សុខភាព៖ មូលហេតុដែលអាច ធ្វើឲ្យអ្នកមានអារម្មណ៍ថា ហត់និងអស់កម្លាំងគឺ អាចបណ្តាលមកពី កត្តាជាច្រើនដូចជាជម្ងឺ ការងារច្រើន និងស្ត្រេសខ្លាំង ប៉ុន្តែក៏មានទម្លាប់ប្រចាំថ្ងៃ មួយចំនួនទៀតរបស់ ក៏វាជាបញ្ហាដែល អាចធ្វើឲ្យ អ្នកមាននៅអារម្មណ៍ថា ចេះតែ ហត់នឿយនិងអស់កម្លាំងខ្លាំង ស្ទើរតែគ្រប់ពេលផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងប្រៀបដូចជា អាកប្បកិរិយាឬ ទម្លាប់ប្រចាំថ្ងៃមួយចំនួន ប្រសិនបើ អ្នកនៅតែបន្តអនុវត្តន៍ទៀត វានឹងធ្វើឲ្យ ការចាប់ផ្តើមថ្ងៃថ្មី របស់អ្នកពោរពេញទៅដោយ ភាពហតនឿយ អារម្មណ៍មិនស្រលះ ហើយការសម្រេច ការងារពេញមួយថ្ងៃ ក៏មិនអាចបានទៅ ដោយរលូនផងដែរ។ ហេតុដូច្នេះ ប្រសិនបើអ្នកចង់ឲ្យ ថ្ងៃថ្មីរបស់អ្នកពោរពេញទៅដោយ ភាពស្រស់ស្រាយ និងស្វាហាប់ សូមព្យាយាមធ្វើ ការផ្លាស់ប្តូរចោល នៅទម្លាប់ទាំងនេះ ចាប់ពីថ្ងៃនេះតទៅ។
ទម្លាប់មិនល្អដែលចេះតែធ្វើឲ្យអ្នកមាននៅអារម្មណ៍អស់កម្លាំងនោះមានដូចជា៖
១. សម្រាកមិនគ្រប់គ្រាន់
ទម្លាប់មិនល្អមួយ ដែលងាយធ្វើឲ្យ អ្នកមានអារម្មណ៍ថា អស់កម្លាំងលឿន ជាងធម្មតានោះគឺ ការគេងមិនគ្រប់គ្រាន់ ត្រូវចាំថា នៅពេលដែល អ្នកក្រោកឡើង រាងកាយយើង ក៏ចាប់ផ្តើម ធ្វើការពេញមួយថ្ងៃ ដូចគ្នាដែរ។ ហេតុដូចនេះ វាក៏ត្រូវការពេល សម្រាប់ជួសជុស និងសម្រាក ឲ្យបានគ្រប់គ្រាន់ផងដែរ។ ការដែលគេងមិន គ្រប់គ្រាន់ជាលទ្ធផល ដែលធ្វើឲ្យរាងកាយយើង ខ្វះនៅថាមពល ងាយនឹងធ្វើឲ្យយើង មានអារម្មណ៍ថា អស់កម្លាំងខ្លាំង នៅថ្ងៃបន្ទាប់។ ជាធម្មតា មនុស្សយើង ត្រូវការសម្រាក ចាប់ពី៧ទៅ៨ម៉ោង ក្នុងមួយថ្ងៃ ដើម្បីទុកឳកាសឲ្យ រាងកាយយើង សម្រាកនិងជួសជុស។ ហេតុដូចនេះ អ្នកគួរព្យាយាម សម្រាកឲ្យត្រូវម៉ោង កុំព្យាយាម ហាត់ប្រាណ មើលទូរទស្សន៍ លេងទូរស័ព្ទ ឬក៏ផឹកកាហ្វេ នៅមុនពេលដែលអ្នកគេង។ តែអ្នកអាចផឹកទឹកដោះគោក្តៅ ដែលវាអាចជួយឲ្យ អ្នកសម្រាកបាន លក់ស្រួលជាងមុន។
២. ការគេងច្រើនខ្លាំងពេក
ផ្ទុយគ្នាពី ការគេងមិនគ្រប់គ្រាន់។ ការគេងច្រើនពេក ក៏អាចក្លាយទៅជា បញ្ហាបានដែរ។ វានឹងឲ្យ អ្នកអស់កម្លាំង ព្រោះការគេងច្រើន ជាង១១ម៉ោង ក្នុងមួយយប់ វាក៏នឹងអាចធ្វើឲ្យ អ្នកមានអារម្មណ៍ ងងុយគេងនៅពេលថ្ងៃ។ ហើយវាអាចនឹង ធ្វើឲ្យអ្នកកាន់ តែអស់កម្លាំង អំឡុងពេលថ្ងៃ ដែលអាចធ្វើឲ្យប៉ះពាល់ ដល់ការធ្វើការ របស់អ្នកបាន។ ជាការល្អ ប្រសិនបើអ្នកគេងចាប់ពី៧ទៅ៨ ម៉ោង ក្នុងមួយថ្ងៃ។ ទម្លាប់ក្រោកចេញ ពីគ្រែភ្លាមៗ បន្ទាប់ពីភ្ញាក់ឡើង កុំនៅបន្តបែរខ្លួន ចុះឡើងនៅលើគ្រែ ឬក៏បន្តគេងម្តងទៀត។ ព្រោះការគេងច្រើនពេក ជាមូលហេតុដែលធ្វើឲ្យ អ្នកអស់កម្លាំង ហើយក៏ធ្វើឲ្យយើងឈឺក្បាល និងមិនស្រស់ស្រាយ ពេញមួយថ្ងៃផងដែរ។
៣. ទទួលទានអាហារមិនត្រឹមត្រូវ
ការទទួលអារហារដែល មិនជួយដល់សុខភាព និងកង្វះនៅ សារធាតុចិញ្ចឹម ជាពិសេសនោះគឺ កាបូអ៊ីដ្រាត និងប្រតេអ៊ីន វាមិនមែនជា គំនិតត្រឹមត្រូវនោះទេ។ ព្រោះថារាងកាយយើងត្រូវការកាបូអ៊ីដ្រាត និងប្រតេអ៊ីន ដើម្បីបំលែង ទៅជាថាមពល ជួយដល់ រាងកាយយើងពេញមួយថ្ងៃ។ ហេតុដូចនេះ ប្រសិនបើអ្នកកង្វះ នៅសារធាតុចិញ្ចឹមទាំងនេះ វាអាចនឹងធ្វើឲ្យ រាងកាយរបស់អ្នក មិនអាចទទួលបាន នៅថាមពលគ្រប់គ្រាន់ ហើយវាក៏នឹងធ្វើឲ្យ អ្នកហត់នឿយផងដែរ។ ដូច្នេះអ្នកគួរជ្រើសរើសអាហារដែល សម្បូរទៅដោយ កាបូអ៊ីដ្រាត ឬប្រូតេអ៊ីន ដូចជានំបុ័ង បាយ សាច់ ពង ទឹកដោះគោ រួមទាំងផ្លែឈើ និងបន្លែផងដែរ។ សម្រាប់អាហារដែល សម្បូរទៅដោយជាតិស្ករខ្ពស់ ដូចជាសូដា ឬកាហ្វេ បើអាចជៀសបាន គួរតែជៀស ត្បិតតែវាអាចធ្វើឲ្យអ្នកមាន ថាមពលលឿនក៏ពិតមែន តែវាត្រឹមតែ រយៈពេលខ្លីតែប៉ុណ្ណោះ។
៤. ផឹកស្រា
ជាតិអាកុលគឺជា ជំងឺធ្លាក់ទឹកចិត្តដែល កាត់បន្ថយល្បឿន ការងាររបស់ប្រព័ន្ធសរសៃប្រសាទ និងខួរក្បាល។ ការផឹកស្រាញឹកញាប់ពេក មិនត្រឹមតែ ធ្វើឲ្យយើងហត់នឿយនោះទេ តែវាក៏នឹងអាចរំខាន់ ដល់ដំណេករបស់អ្នកផងដែរ។ បញ្ហានៃការគេងមិនគ្រប់គ្រាន់នេះ មិនត្រឹមតែប៉ះពាល់ដល់ ការងារប្រចាំថ្ងៃរបស់អ្នក ប៉ុណ្ណោះទេ តែវាក៏ធ្វើឲ្យ អ្នកមាន នៅអារម្មណ៍ហត់នឿយ គ្មានកម្លាំង ពេញមួយថ្ងៃផងដែរ។
៥. មិនឧស្សាហ៍ហាត់ប្រាណ
ការធ្វើលំហាត់ប្រាណ ជាប្រចាំអាចជួយបង្កើត នៅសាច់ដុំ ជួយឲ្យរាងកាយយើង ធ្វើចលនាបានល្អ និងមានសុខភាពល្អ។ វាជួយដល់ ការរក្សាសម្ពាធឈាមរបស់អ្នក កាត់បន្ថយស្ត្រេស និងធ្វើឲ្យ អ្នកមានអារម្មណ៍ ស្រស់ស្រាយពេញមួយថ្ងៃ។ ការធ្វើលំហាត់ប្រាណដែលល្អ ជួយបង្កើននៅថាមពល ដល់រាយកាយ គួរអនុវត្តន៍ធ្វើ យ៉ាងហោចណាស់៣០នាទី ជារៀងរាល់ថ្ងៃ ព្រោះវានឹងជួយឲ្យ រាងកាយមាន សុខភាពល្អ។ ហើយវាក៏នឹងមិនងាយស្រួល អស់កម្លាំងនិង ជួយអ្នកឲ្យគេងបានលក់ ស្រួលផងដែរ៕