ភ្នំពេញ៖ ទីផ្សារការិយាល័យបានផ្លាស់ប្តូរទៅកាន់តំបន់បឹងកេងកង១ ដែលជាតំបន់មានភាពពេញនិយម និងល្បីល្បាញនៅទីក្រុងភ្នំពេញសម្រាប់ជនបរទេស ដោយសារតំបន់នេះមានអ្វីៗសព្វបែបយ៉ាង ដែលជួយសម្រួលដល់ការរស់នៅ និងធ្វើឲ្យបែបផែនជីវិតមានភាពរស់រវើក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយមើលឃើញនិន្នាការនេះ អ្នកវិនិយោគគម្រោង Golden Tower 322 បានចាប់ផ្តើមសាងសង់អាគារពាណិជ្ជកម្មចម្រុះ រួមមានការិយាល័យ និងខុនដូយ៉ាងប្រណីត ជាមួយនឹងតម្លៃសមរម្យសម្រាប់អតិថិជន។
Golden Tower 322 ជាអគារពាណិជ្ជកម្មបែបចម្រុះឈានមុខគេមួយ និងត្រូវបានសាងសង់ ដោយផ្អែកលើគំរូនៃការិយាល័យរបស់ក្រុមហ៊ុន Google ខណៈអគារមួយនេះ នឹងនាំមកនូវការរិយាល័យ ដែលជម្រុញដោយកិត្យានុភាពដល់តំបន់នេះ។
លោក ខៀវ ម៉ានិត អ្នកផ្ដាច់មុខលក់គម្រោង Golden Tower 322 បានប្រាប់ឱ្យដឹងនៅល្ងាចថ្ងៃទី២៤ ខែតុលា ឆ្នាំ២០២០ ចុងសប្ដាហ៍កន្លងទៅនេះថា៖
« Golden Tower 322 ជាអាគារមានលក្ខណៈពិសេស ដោយកន្លែងទទួលភ្ញៀវវីអាយភី មានកម្ពស់៦ម៉ែត្រ ដែលជាប្រកាន់ខ្ជាប់នូវការរចនាការិយាល័យទូលាយ ដូចដែលមានក្នុងក្រុមហ៊ុនបច្ចេកវិទ្យានៃតំបន់ Silicon Valley ។ អគារ Golden Tower 322 មានទីតាំងនៅលើផ្លូវលេខ៣២២ ហើយអគារនេះមានចំណតយានយន្តចំនួន៦ជាន់ ដោយរួមបញ្ចូលគ្នានូវបន្ទប់ប្រជុំច្នៃប្រឌិត ប្រកបដោយបច្ចេកវិទ្យាទំនើប បន្ទប់ប្រជុំ បន្ទប់សំលេងអូឌីយ៉ូ សួនកម្សាន្តខាងក្រៅ ហាងកាហ្វេ និងធាតុផ្សេងៗទៀត នៃអគារ គឺឈរនៅលើគោលការណ៍ដូចក្រុមហ៊ុនអន្តរជាតិ និងត្រូវបានបង្កើតឡើងដោយមានលក្ខណៈជាក់លាក់ខ្ពស់។ មានកន្លែងទទួលភ្ញៀវ (Lobby)ដ៏ធំទូលាយ (បែងចែកចេញជាពីរ មួយសម្រាប់ការិយាល័យ និងមួយទៀតសម្រាប់ខុនដូ) ដែលក្នុងជាន់នេះមានកម្ពស់៦ម៉ែត្រ ហើយចាប់ពីជាន់ទី៥ ដល់ជាន់ទី២៩ ជាការិយាល័យ នៅជាន់ទី៣០គឺជា Google Space ចាប់ពីជាន់ទី៣១ ដល់ជាន់ទី៤០ គឺសម្រាប់លំនៅដ្ឋាន និងចាប់ជាន់ទី៤១ ដល់ជាន់ទី៤២គឺ ខុនដូ Penthouses»។
លោក សុត វីរៈ សហស្ថាបនិកក្រុមហ៊ុន CSA ដែលបានចូលរួមនៅក្នុងពិធីប្រកាសលក់ជាផ្លូវការ នៃគម្រោងអគារពាណិជ្ជកម្មខាងលើនេះ បានមានប្រសាសន៍ថា៖
«អគារការិយាល័យនៅតំបន់បឹងកេងកង ភាគច្រើនសាងសង់ឡើងសម្រាប់ជួល ហើយអគារការិយាល័យនៅតំបន់នេះ ក៏មិនសម្បូរដែរ ប៉ុន្តែឥឡូវនេះខ្ញុំចង់ទិញការិយាល័យ»។
លោកបន្តថា៖
« នេះគឺជាជម្រើសរបស់ខ្ញុំតែមួយគត់ ហើយមានលក្ខខណ្ឌបង់ប្រាក់ងាយស្រួល និងមានតម្លៃពិសេស»។
លោកបានថ្លែងទៀតថា៖
« នៅពេលយើងនិយាយអំពីទីតាំង វាមានទីតាំងល្អឥតខ្ចោះ ដូច្នេះនៅពេលដែលយើងដាក់អាស័យដ្ឋាន លើនាមប័ណ្ណរបស់យើងដែលមានទីតាំងនៅតំបន់បឹងកេងកង វាបង្ហាញពីកិត្យានុភាពរបស់ក្រុមហ៊ុនរបស់យើង។ តំបន់បឹងកេងកង សម្បូរដោយជនជាតិបរទេស ហើយពេលដែលយើងមានការិយាផ្ទាល់នៅតំបន់បឹងកេងកង វានឹងផ្តល់ភាពងាយស្រួលសម្រាប់អាជីវកម្ម និងការងាររបស់យើង»។
នៅដំណាច់ឆ្នាំនេះ អត្រាការិយាល័យជួលនៅទំនេរ នៅទូទាំងទីផ្សារត្រូវបានព្យាករណ៍ថា នឹងកើនឡើងដល់កម្រិតខ្ពស់បំផុត គិតចាប់តាំងពីឆ្នាំ២០១១។ នៅត្រីមាសទី៣ អត្រានៃការកាន់កាប់មាន៧៤,៧%។ នេះបើយោងតាមរបាយការណ៍ចុងក្រោយរបស់ក្រុមហ៊ុន CBRE Cambodia។
គម្រោងការិយាល័យជួលចំនួន៨ ត្រូវបានបញ្ចប់ការសាងសង់គិតចាប់តាំងពីដើមឆ្នាំ២០២០ រហូតមកដល់ពេលនេះ ដោយអត្រាទំនេរគិតជាមធ្យម មានការកើនឡើងខ្ពស់ ប៉ុន្តែនិន្នាការទីផ្សារការិយាល័យកំពុងកើនឡើង ដោយសារកំនើននៃការវិនិយោគរបស់ក្រុមហ៊ុនអន្តរជាតិ កំនើននៃការបង្កើតក្រុមហ៊ុនថ្មីៗរបស់អ្នកវិនិយោគក្នុងស្រុក និងនិន្នាការផ្លាស់ប្តូរការិយាល័យពីផ្ទះល្វែង វីឡា មកកាន់អាគារការិយាល័យស្តង់ដារ៕
Bong I.T