ភ្នំពេញ៖ ក្រោយពរពោះអស់ជាច្រើនខែមកនេះ កាលពីថ្ងៃទី ០៩ ខែ តុលា ឆ្នាំ ២០២០ កន្លងទៅថ្មីៗនេះ តារាចម្រៀងស្រីអ្នកនាង សួស វីហ្សា សម្រាលបានកូនស្រីម្នាក់មានមុខមាត់គួរឲ្យក្នាញ់ ថែមទាំងមានសុខភាពល្អទៀតផង។ បន្ទាប់ពីតារាស្រីរូបនេះទទួលបាននៅសមាជិកថ្មីដែលជាកូនស្រីដំបូង មានតំណក់ឈាមរួមគ្នាជាមួយស្វាមីរួចមក ជីវិតគ្រួសារនាងកាន់តែមានសុភមង្គលជាងមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្យ៉ាងវិញទៀត បន្ទាប់ពីបង្កើតកូនដោយជោគជ័យ ខណៈកំពុងសរសៃខ្ចី គេសង្កេតឃើញតារាស្រីរូបនេះ តែងតែមានស្វាមីនៅក្បែរ ចាំជួយមើលថែ និងថ្នាក់ថ្នមស្ទើរតែគ្រប់វិនាទីទៅហើយ។ លើសពីនេះទៅទៀត អ្នកម៉ាក់សម័យថ្មីរូបនេះ តែងតែបង្ហោះរូបភាបបង្ហាញនៅស្នាមញញឹមយ៉ាងមានក្ដីសុខជាមួយកូនស្រី និងស្វាមី បង្ហាញឲ្យអ្នកគាំទ្របានឃើញជានិច្ចតែម្ដង។
ជាក់ស្ដែង បើគិតពីរយៈពេលដែលតារារូបនេះសម្រាលកូនគឺបានជាង ២សប្ដាហ៍ហើយ ហើយពេលនេះ កូននាងក៏កាន់តែគួរឲ្យស្រលាញ់ជាងមុនផងដែរ។ ក្នុងនោះដែរ អ្វីដេលកាន់តែចាប់អារម្មណ៍នោះ រូបភាពមួយសន្លឹកដែលតារាចម្រៀងរូបនេះបង្ហោះ ឃើញថា កូនស្រីតារារូបនេះ រឹតតែមានមុខមាត់ដូចទៅនឹងម្ដាយដូចគេបោះពុម្ពតែម្ដង មិនថាទម្រង់មុខ ភ្នែក និងមាត់នោះទេ។
តួយ៉ាង ស្របពេលទស្សនិកជន និងហ្វេនបានឃើញរូបភាពមួយសន្លឹកនេះរួច ពួកក៏បាននិយាយថា មុខម្ដាយកូនទាំងពីរនាក់នេះ ពិតជាមានមុខមាត់ស្រដៀងគ្នាផងដែរ មិនតែប៉ុណ្ណោះ សូម្បីតែស្វាមី តារារូបនេះ ក៏និយាយបែបនេះដែរ៕
សូមទស្សនារូបភាពខាងក្រោម៖