អាមេរិក៖ បើគិតពីរយៈពេល តារាសម្ដែងស្រីដ៏មានប្រជាប្រិយភាព អ្នកនាង សារ៉ាយ សក្ខណា បានរៀបការទៅរស់នៅលើទឹកដីអាមេរិកមានរយៈពេលច្រើនឆ្នាំមកហើយ ដោយពេលនេះនាងក៏មានកូនប្រុសស្រីដល់ទៅ ២នាក់ សុទ្ធតែមានមុខមាត់គួរឲ្យក្នាញ់ផងដែរ។ ម្យ៉ាងវិញទៀត បច្ចុប្បន្ន តារារូបនេះ ក៏កាន់តែបង្ហាញនៅសុភមង្គល ហើយតែងតែសកម្មភាពរស់នៅជាមួយស្វាមី និងកូនៗជាញឹកញាប់ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះទៅទៀត យើងអាចនិយាយបានថា អតីតារាសម្ដែងស្រីរូបនេះ ពិតជាសំណាងដែលមានស្វាមីចេះយល់ចិត្ត និងផ្ដល់ភាពកក់ក្ដៅជូនគ្រួសារទាំងមូលបានយ៉ាងល្អគួរឲ្យសរសើរ។ ក្នុងនោះដែរ គេសង្កេតឃើញថា ជីវិតរស់នៅប្រចាំថ្ងៃតារារូបនេះ ពិតជាមានក្ដីសុខខ្លាំង ហើយតែងតែបង្ហាញនៅស្នាមញញឹម និងភាពសប្បាយរីករាយជានិច្ចតែម្ដង។
ជាក់ស្ដែង មុននេះបន្តិច អ្នកនាង សារ៉ាយ សក្ខណា បានបង្ហោះរូបភាពជុំគ្រួសារជាថ្មី ខណៈដើរលេងលំហែកាយជាមួយស្វាមី និងកូនទាំងពីររបស់នាង។ បើមើលទៅតាមរូបភាពជាច្រើនសន្លឹកនោះ បង្ហាញយ៉ាងច្បាស់ថា ជីវិតគ្រួសារនាងកាន់តែរឹងមាំជាងមុន បន្ទាប់ពីមានកូន២នាក់ជាចំណងដៃក្រោយរៀបការ។
គួរបញ្ចាក់ផងដែរថា បើទោះបីពេលនេះតារាស្រីរូបនេះមិនបានបង្ហាញមុខក្នុងវិស័យសិលើ្បៈដូចមុន តែក៏នៅមានទស្សនិកជន និងអ្នកគាំទ្រជាច្រើននាក់ នៅតែចង់ដឹងលឺពីជីវិតឯកជនរបស់នាងដដែល៕
សូមទស្សនារូបភាពខាងក្រោម៖