បរទេស៖ លោកគ្រូបង្វឹក Arsene Wenger ត្រូវបានក្លិបកាំភ្លើងធំ Arsenal បញ្ចប់តួនាទីនៅក្នុងឆ្នាំ២០១៨ ក្រោយចំណាយពេល២២ឆ្នាំជាមួយនឹងក្លិបមួយនេះនៅលីកកំពូលអង់គ្លេស។ បច្ចុប្បន្នលោក Mikel Arteta ដែលជាអតីតកូនក្រុមរបស់លោក Wenger កំពុងតែបន្តស្នងតំណែងជាគ្រូបង្វឹករបស់ Arsenal ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកក្នុងកំឡុងពេលដែលលោក Arsene Wenger នៅដឹកនាំ Arsenal គ្រូបង្វឹកសញ្ជាតិបារាំងរូបនេះ បានដាក់គោលដៅធំទិញយកតារាវ័យក្មេងឆ្នើមៗជាច្រើនរូបមករួមក្រុម ប៉ុន្តែហាក់ដូចជាមិនសូវបានទទួលជោគជ័យនោះទេ។ ក្នុងនោះលោកបានបរាជ័យក្នុងការនាំយកកីឡាករកំពូលៗទាំង១០រូបខាងក្រោមនេះ នៅពេលដែលពួកគេនៅក្នុងវ័យជំទង់។
- កីឡាករ Vincent Kompany : Arsenal បរាជ័យក្រោមស្នាដៃក្លិប Manchester City ដែលទិញយករូបគេពីក្លិប Hamburger SV បានមុន កាលពីឆ្នាំ២០០៨។
- កីឡាករ Paul Pogba : ក្លិបសេះបង្កង់ Juventus បានទាត់ចោលសំណើរបស់ Arsenal ក្នុងការទិញយកកីឡាកររូបនេះកាលពីឆ្នាំ២០១៤ ហើយក្រោយមកនៅឆ្នាំ២០១៦ ទើបរូបគេផ្លាស់ទៅលេងឲ្យក្លិប Manchester United វិញ ។
- កីឡាករ Didier Drogba : ក្លិបតោខៀវ Chelsea កាត់មុខ Arsenal ទិញបានរូបគេមុនពីក្លិប Marseille កាលពីឆ្នាំ២០០៤។
- កីឡាករ Gareth Bale : កីឡាកររូបនេះសម្រេចចិត្តផ្លាស់ចេញពី Southampton ទៅចូលរួមជាមួយ Spurs ក្នុងឆ្នាំ២០០៧ ដោយបដិសេធសំណើរបស់ Arsenal ។
- កីឡាករ Zlatan Ibrahimovic : លោក Arsene Wenger ចាប់អារម្មណ៍កីឡាកររូបនេះតាំងពីរូបគេនៅលេងឲ្យក្រុមយុវជនក្លិប Malmö របស់អ៊ុយក្រែនម្ល៉េះ ប៉ុន្តែនៅក្នុងឆ្នាំ២០០១ ក្លិប Ajax ផ្ទេរយករូបគេទៅរួមក្រុមបានមុន។
- កីឡាករ Gianluigi Buffon : កីឡាកររូបនេះទាត់ចោលសំណើរបស់ Arsenal ដោយសម្រេចចិត្តផ្លាស់ចេញពីក្លិប Parma ទៅលេងឲ្យ Juventus ក្នុងឆ្នាំ២០០១។
- កីឡាករ Yaya Toure : ដោយសារតែមានបញ្ហាពាក់ព័ន្ធនឹងលិខិតឆ្លងដែន ទើបរារាំង Arsenal ក្នុងការផ្ទេរយកកីឡាកររូបនេះមករួមក្រុមនៅក្នុងឆ្នាំ២០០៣។
- កីឡាករ Cristiano Ronaldo : នៅក្នុងឆ្នាំ២០០៣ Arsenal ព្យាយាមចូលប្រជែងជាមួយ Man UTD តាមទិញរូបគេពី Sporting Lisbon ប៉ុន្តែបានត្រឹមបរាជ័យក្រោមស្នាដៃក្លិបលោក Alex Ferguson ។
- កីឡាករ N’Golo Kante : មុននឹងរូបគេសម្រេចចិត្តចាកចេញពី Leicester City ទៅចូលរួមជាមួយ Chelsea ក្នុងឆ្នាំ២០១៦ ក្លិប Arsenal ក៏បានព្យាយាមតាមប្រជែងផ្ទេរយករូបគេមករួមក្រុមផងដែរ។
- កីឡាករ Lionel Messi : ក្នុងឆ្នាំ២០០៣ Arsenal ចង់យករូបគេមកលេងជាមួយនឹងកីឡាករ Cesc Fabregas ប៉ុន្តែដោយសារតែមិនអាចរកផ្ទះឲ្យគ្រួសាររបស់ Messi ស្នាក់នៅបាន ទើបកីឡាកររូបនេះនៅបន្តលេងជាមួយ Barcelona ដល់សព្វថ្ងៃនេះ៕
ប្រភព៖ givemesport