តារាសម្តែង អាម៉ាប់ ដាក់លក់ផ្ទះចំពេលកូវីដហើយនៅចំណេញមិនចេះតិចទៀត

ហុងកុង៖ ស្របពេលដែលពិភពលោកកំពុងតែជួបវិបត្តិសេដ្ឋកិច្ចហិរញ្ញវត្ថុដោយវីរុសកូវីដ១៩ តារាអាម៉ាប់ដែល មានឈ្មោះពិត Eric Tsang បានសម្រេចចិត្តលក់ផ្ទះដ៏ធំស្កឹមស្កៃរបស់គេចោល បន្ទាប់ពីបានរស់នៅទីនេះលើសពី៣០ឆ្នាំរួចមក។

ដោយឡែកតារាសម្តែងរូបនេះ បានទិញផ្ទះនេះតាំងពីឆ្នាំ ១៩៨៨  នៅក្នុងតម្លៃប្រហាក់ប្រហែលជា ៤,០៣០,០០០ ដុល្លារហុងកុងឬ ស្មើរនឹង ៥១៩,៩៨៣ដុល្លារសហរដ្ឋអាមេរិកប៉ុណ្ណោះ នៅពេលនោះ រូបគេមានអាយុ៣៥ឆ្នាំ ខណៈពេលដែលបច្ចុប្បន្ននេះ រូបគេមានអាយុដល់ទៅ៦៧ឆ្នាំទៅហើយ។

បើតាមសារព័ត៍មានហុងកុងមួយបានឲ្យដឹងថាថ្មីៗនេះ Eric Tsang បានលក់ផ្ទះដ៏ធំមួយនេះទៅឲ្យអ្នកទិញដែលមិនស្គាល់អត្តសញ្ញាណម្នាក់ក្នុងតម្លៃកប់ពពក គឺ ១០០,០០០,០០០ ដុល្លារហុងកុង ឬ ស្មើរនឹង ១២,៩០២ ,៦៤០សហរដ្ឋអាមេរិក ដែលប្រាក់ចំណេញដែលទទួលបានគឺរហូតទៅដល់ ១២,៣៨២,៦៥៧ ដុល្លារសហរដ្ឋអាមេរិកឯណោះ។

គួររម្លឹកដែរថា  Eric Tsang គឺជាតារាសម្តែងចិនហុងកុងម្នាក់បន្ទាប់ពី Stephen Chow ដែលសម្រេចចិត្តលក់ផ្ទះក្នុងសម័យកាលកូវីដ១៩ផងដែរ៕

សូមចូលមើលរូបភាពខាងក្រោម៖