ក្លិប FC Barcelona នឹងដាក់ពាក្យបណ្តឹងទៅសារព័ត៌មានដ៏ល្បីមួយទាក់ទងនឹង Ansu Fati

បរទេស៖ តាមប្រភពជាច្រើនបានបញ្ជាក់រួមទាំងកាសែតដែលគួរឱ្យជឿទុកចិត្ត Mundo Deportivo ថា ក្លិបអ្នកមានបុណ្យ Barcelona នឹងដាក់ពាក្យប្តឹងទៅកាសែត ABC និងអ្នកកាសែត Salvador Sostres របស់ពួកគេចំពោះអត្ថបទប្រកាន់ជាតិសាសន៍ទាក់ទិននឹងកីឡាករ Ansu Fati ។

អ្នកយកព័ត៌មានរបស់កាសែត ABC រូបនេះបានធ្វើការនិយាយចំអកចំពោះកីឡាករវ័យក្មេង ១៧ ឆ្នាំ ដោយប្រៀបធៀបកីឡាករឆ្នើមរូបនេះទៅនឹងអ្នកលក់តាមចិញ្ចើមផ្លូវស្បែកខ្មៅម្នាក់ដែលកំពុងរត់គេចខ្លួនពីប៉ូលិស។

យ៉ាងណាមិញ ទាក់ទងនឹងបញ្ហាកំពុងចោទនេះ មិត្តរួមក្រុមរបស់កីឡាករឆ្នើម Ansu Fati គឺខ្សែប្រយុទ្ធ Antoine Griezmann បានបដិសេធមុនគេចំពោះអត្ថបទនេះជាសាធារណៈ និងគាំទ្រមិត្តរួមក្រុមរបស់គាត់ផងដែរ៕

ប្រភព៖ Tribuna