បរទេស៖ សម្រាប់ការប្រកួតបើកឆាកក្នុងពូល A នៃពានរង្វាន់ UEFA Champions League យប់មិញនេះ ម្ចាស់ការពារតំណែងជើងឯក Bayern Munich បានយកឈ្នះក្លិបមកពីអេស៉្បាញ Atletico Madrid ដោយលទ្ធផលយ៉ាងចាស់ដៃ៤ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតារានាំសំណាង Kingsley Coman ជាអ្នករកគ្រាប់បើកឆាកឲ្យ Bayern នៅនាទីទី២៨ មុនពេលដែលកីឡាករ Leon Goretzka បន្ថែមបានគ្រាប់ទី២នៅនាទីទី៤១។ ចូលដល់តង់ទីពីរ ពោលគឺនៅនាទីទី៦៦ កីឡាករ Corentin Tolisso រកបានគ្រាប់ទី៣ ដោយការស៊ុតយ៉ាងស្រួចពីចម្ងាយផុតដៃអ្នកចាំទី Oblak ។ ៦នាទីទីក្រោមមក Coman ក៏បានសម្រេចគ្រាប់ទី២របស់ខ្លួន ដែលជាគ្រាប់ទី៤របស់ Bayern Munich ។
គួររម្លឹកដែរថាកាលពីរដូវកាលមុន Bayern Munich រកបានគ្រាប់បាល់សរុបដល់ទៅ៤៣គ្រាប់ឯណោះនៅក្នុងពានរង្វាន់មួយនេះ ហើយសម្រាប់រដូវកាលថ្មីនេះពួកគេចាប់ផ្តើមប្រកួតដំបូងដែលស៊ុតបាន៤គ្រាប់៕
ប្រភព៖ bbc