ដោយសារមានការគាំទ្រពីអតិថិជនជាច្រើន ផ្សារទំនើបឡាក់គី បានបើកសម្ពោធជាផ្លូវការសាខាថ្មីមួយនៅ FB Plaza

ភ្នំពេញ៖ ផ្សារទំនើបឡាក់គី ត្រូវបានអតិថិជនជាច្រើនទទួលស្គាល់ថាជា ក្រុមហ៊ុនឈានមុខគេលើវិស័យលក់រាយនៅលើទីផ្សារកម្ពុជា និងមានអតិថិជនគាំទ្រអស់រយៈពេល ២៧ឆ្នាំមកហើយ បានបើកសម្ពោធសាខាថ្មី១បន្ថែមទៀតដែលមានទីតាំងនៅ FB Plaza  ទួលសង្កែ។

ជាក់ស្តែងសាខាផ្សារទំនើបឡាក់គី បើកសម្ពោធជាផ្លូវការ នៅថ្ងៃទី២០ ខែតុលានេះ នឹងមានតំណាងភ្ញៀវកត្តិយសចូលរួមដោយថ្នាក់ដឹកនាំជាន់ខ្ពស់នៃ ក្រុមហ៊ុនឌីអេហ្វអាយឡាក់គី តំណាងអ្នកចែកចាយផលិតផល និងអ្នកសារព័ត៌មានជាច្រើន។

ក្រុមហ៊ុនឌីអេហ្វអាយឡាក់គី គិតមកដល់បច្ចុប្បន្ននេះ មានសាខាផ្សារទំនើប និងអ៊ិចប្រេសច្រើនជាង ៣៣កន្លែង ។ ផ្សារទំនើបឡាក់គី តែងតែផ្តោតសំខាន់លើការផ្តល់ជូនអតិថិជន នូវទំនិញដែលមានគុណភាពល្អបំផុត និងផលិតផលគ្រប់ប្រភេទ ដែលមានកត្តានុភាពសំរាប់ប្រើប្រាស់ដល់អតិថិជន។

គួរបញ្ជាក់ផងដែរថា ក្រុមហ៊ុនឌីអេហ្វអាយឡាក់គី នឹងបន្តបើកសាខាថ្មីបន្ថែមទៀត ដើម្បីផ្តល់នូវអតិថិជននូវទំនិញស្រស់ៗ ដែលមានគុណភាពល្អ គ្រឿងទេសផ្សេងៗ ផលិតផលប្រើប្រាស់ប្រចាំថ្ងៃ ផលិតថែរក្សាសុខភាព និងសម្រស់ ក្នុងតម្លៃសមរម្យ និងទីតាំងងាយស្រួលនៅជិតផ្ទះរបស់អតិថិជនបំផុត។

ក្រុមហ៊ុនមានមោទនភាព និងមានភាពរីករាយជាខ្លាំងនូវការនាំមកនូវផ្សារទំនើបឡាក់គី ។ ក្នុងឱកាសបើកសម្ពោធជាផ្លូវការនេះផងដែរ អតិថិជនទាំងអស់អាចរីករាយ ជាមួយការបញ្ចុះតម្លៃលើទំនិញយ៉ាងច្រើន សន្ធឹកសន្ធាប់៕​