ស្អាតណាស់ ពេល អូនម៉ី តែងឈុតជនជាតិមូស្លីមបែបនេះ

ភ្នំពេញ៖ ជាការពិតណាស់ ចាប់តាំងពីប្រឡូកក្នុងអាជីពសិល្បៈសម្ដែងមក អៀ ម៉េងលិ ហៅអូនមុី តែងតែនិយមលេងខ្លួនស៊ិចស៊ីបញ្ចេញដើមទ្រូងដ៏ទ្រលុកទ្រលុកជាញឹកញាប់ ឲ្យមហាជនក៏ដូចជាអ្នកគាំទ្រ មានការចាប់អារម្មណ៍ និងកាន់តែគាំទ្រនាងច្រើនផងដែរ។

ដោយឡែក ថ្មីនេះៗ ម៉េងលិ បែរជាងាកមកតុបតែងខ្លួន បែបជាឈុតនារីជនជាតិមូស្លីមវិញម្ដង ដោយក្នុងនោះឃើញថា នាងពិតជាស្លៀកឈុតនេះបានយ៉ាងសមមែនទែន ពោលគឺថាទាំងសម្លៀកបំពាក់ ការរៀបចំ ការផាត់មុខ អមជាមួយនឹងភាពទន់ភ្លន់ឈរបញ្ចេញស្នាមញញឹមដ៏ស្រទន់របស់នាងថែមទៀតនោះ មើលទៅពិតជាសមសួនគួរឲ្យស្រលាញ់បំផុត។

ជាមួយគ្នានេះផងដែរ តាមរយៈរូបភាពជាច្រើនសន្លឹក ដែល ម៉េងលិ បង្ហោះនៅលើបណ្ដាញសង្គម នាងរឹតតែទទួលបានការកោតសរសើរពីបណ្ដាអ្នកគាំទ្រ ព្រោះការតុបតែងលើកនេះ តារាស្រីរូបនេះ ពិតជាមានភាពលេចធ្លោខ្លាំងមែនទែន រហូតដល់មហាជនមួយចំនួនពោលពាក្យសរសើរថាស្អាតគ្រប់គ្នា៕

ទស្សនារូបភាពខាងក្រោម៖