ភាគ​​រយ​​ចាក​​ចេញ​​ពី​ Juventus​ របស់​​ Dybala​ ​កាន់​​តែ​​ខ្ពស់​ ក្រោយ​​​ប៉ះ​ទង្គិច​​ពាក្យសម្ដីគ្នា​ជាមួយ​នាយក​​ប្រត្តិបត្តិ​របស់​ក្លិប

តារា​ឆ្នើម​របស់​ក្លិប​សេះបង្កង់ Juventus កីឡាករ Paulo Dybala ត្រូវបានគេ​រាយ​ការណ៍​​ថា​ មានទំនាស់ជាមួយនាយកប្រត្តិបត្តលោក Fabio Paratici នៅក្នុងផ្លូវរូងក្រោម​ដី​កាលពីថ្ងៃសៅរ៍ បន្ទាប់ពីមិនបានស្ថិតក្នុងជម្រើសដំបូងរបស់លោក Andrea Pirlo ។

កីឡាករអាហ្សង់ទីនរូបនេះ មិនទាន់មានវត្តមានសម្រាប់ Juventus នៅរដូវកាលនេះ​នៅ​ឡើយទេ ដោយលោក Pirlo ពេញចិត្តលេងជាមួយកីឡាករវ័យក្មេង Manolo Portanova​ និង Dejan Kulusevski នៅថ្ងៃសៅរ៍កន្លងទៅនេះ។

​ម្ចាស់ការពារ​ដំណែង​ជើងឯក Serie A បានត្រឹមចែកគ្នា​ ១ ពិន្ទុ​ ជាមួយម្ចាស់ផ្ទះ Crotone​ ក្រោយស្មើរគ្នា ១ ទល់នឹង ១ ដែលទើបតែត្រូវបានផ្សព្វផ្សាយ ហើយទោះបី Dybala ត្រូវបានគេដាក់ឈ្មោះ​ក្នុងក្រុមប្រកួតក៏ដោយក៏គាត់មិនបានបង្ហាញ​ខ្លួននៅ​កៅអី​បម្រុង​នោះទេ៕