ថៃ៖ ដូចដែល អ្នកគាំទ្រភាគច្រើន បានដឹងរួចមកហើយថា តួឯកប្រុសក្នុងរឿងFriend Zone នៅចំហរបេះដូង ទុកចោលយូរមកហើយ រហូតកន្លងមកធ្លាប់មាន អ្នកគាំទ្រស្រីៗជាច្រើន ព្យាយាមដាក់ពាក្យ ចង់មកថ្នាក់ថ្នមបេះដូង កំព្រាឯកាមួយនេះ ឲ្យស្រស់បំព្រងឡើងវិញ ជាច្រើនហូរហែរ តែNaphat នៅតែមិនព្រមបើកដដែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកងាកមក ម្តាយរបស់ តារាប្រុសរូបនេះ គឺតារាសម្តែងស្រី ជើងចាស់Mo Pimphaka ឯនេះវិញ ក៏បានបង្ហើប បែបនេះផងដែរថា អ្នកស្រីពិតជាចង់ បើភ្លើងខៀវ ឲ្យកូនប្រុសរបស់ខ្លួន មានទំនាក់ទំនង ជាមួយតារាសម្តែងស្រីម្នាក់ ដែលអ្នកស្រី ស្រលាញ់ ហើយចូលចិត្តខ្លាំងម្នាក់ និងក៏មានចំណង់ ចង់បានយកមក ធ្វើជាកូនប្រសារស្រីថែមទៀត។ តារាស្រីរូបនោះ មិនទៅណាឆ្ងាយទេ គឺតួឯកស្រីដែល សម្តែងក្នុងរឿងFriend Zone ជាមួយកូនប្រុសរបស់ខ្លួនគឺ តារាសម្តែងស្រី Baifern នេះតែម្តង។
ជាក់ស្តែងថ្មីៗនេះ តារាសម្តែងប្រុសNaphat ក៏បានលើកឡើងប្រាប់ដល់ អ្នកកាសែតផងដែរថា រហូតមកទល់ពេលនេះ បេះដូងរបស់លោកគឺ នៅទំនេរនៅឡើយទេ ហើយក៏មិនទាន់ មានចិត្តទៅលើ នារីណាម្នាក់នោះដែរ។ បន្ថែមពីនេះNaphat ក៏បានបញ្ជាក់ពី មូលហេតុដែល ម្តាយលោកផ្សំផ្គុំ ជាមួយនឹង តារាសម្តែងស្រីBaifern ក៏ព្រោះតែនាង ជាមនុស្សដែលគួរឲ្យ ស្រលាញ់ ពូកែកំប្លែង ហើយចេះគោរពចាស់ទុំ។
តែយ៉ាងណា ក្នុងពេលនេះ ទំនាក់ទំនងអ្នកទាំងពីរ គ្រាន់តែជា មិត្តភក្តិរួមការងារនឹងគ្នា តែប៉ុណ្ណោះ មិនមានអ្វីលើសពីនេះទេ តែអាចនឹងមាន ការផ្លាស់ប្តូរនៅពេល ខាងមុខទៀង ឬយ៉ាងណាក៏មានតែ រងចាំមើល ទាំងអស់គ្នាតែប៉ុណ្ណោះ។
យ៉ាងណាមិញ ចំពោះដំណឹងនេះ ពិតជាធ្វើឲ្យ អ្នកគាំទ្ររបស់ អ្នកទាំងពីរមាន ក្តីរំភើបហើយក៏ចង់ឲ្យ បំណងប្រាថ្នាម្តាយរបស់ តារាសម្តែងប្រុសNaphat បានក្លាយជាការពិតដូចគ្នា ព្រោះថាអ្នកទាំងពីរ ពិតជាគូស្នេហ៍តារា ដែលសាកសមនឹងគ្នា មួយគូផងដែរ៕