លោក David Moyes បានលើកឡើងថា៖  ឱកាសគឺមានសម្រាប់កីឡាករ Gareth Bale ដើម្បីចូលរួមជាមួយក្រុមបិសាចក្រហម Manchester United ប៉ុន្តែកីឡាករ​ឆ្នើម​សញ្ជាតិវែលបានធ្វើការសម្រេចចិត្តដោយចូលលេងអោយក្រុម Real Madrid ជំនួស​វិញ។

ស្របពេលដែល Bale បានបង្ហាញខ្លួនជាលើកទី២របស់ខ្លួននៅឯ Spurs ដោយប៉ះ​ជាមួយ​ក្លិប West Hamនៅថ្ងៃ អាទិត្យនេះ អ្នកចាត់ការសញ្ជាតិស្កុតឡេនគឺលោក David Moyes ក៏បាន និយាយ អំពីការ លេងរបស់កីឡាករ Bale ផងដែរ។ លោកបានបង្ហើបទៀតថា ដំបូងកីឡាកររូបនេះព្យាយាមចង់ចូលលេងនៅក្រុម Manchester United ប៉ុន្តែទីបំផុតកីឡាកររូបនេះបានសំរេចចិត្តទៅលេងអោយក្រុម Real Madrid ដែលជាកន្លែងដែលគាត់បានឈ្នះពាន រង្វាន់ Champions League ចំនួនបួន ហើយលោក Moyes យល់ថានេះជាការសម្រេចចិត្តយ៉ាងត្រឹមត្រូវ។

លោក Moyes បាននិយាយថា៖ កីឡាករ Gareth Bale ប្រហែលជាកីឡាករ​ដំបូង​ដែលខ្ញុំបានគិតចង់បាននៅពេល ដែលខ្ញុំទទួលដំណែងជាអ្នគ្រប់គ្រងក្នុងក្លឹបនេះ។ ខ្ញុំចង់អោយ Gareth Bale ក្លាយជាកីឡាករដំបូងរបស់ខ្ញុំនៅ Manchester United ហើយខ្ញុំព្យាយាមទាក់ទងទៅគាត់ដើម្បីមកលេងនៅទីនេះ ដោយខ្ញុំបានផ្តល់​ប្រាក់​ច្រើន​ជាង ក្រុម Real Madrid ទៅទៀត ប៉ុន្តែចុងក្រោយគាត់នៅតែរើសយកក្រុម Real Madrid សំរាប់ការលេងរបស់គាត់។

Bale បានចូលរួមជាមួយ Tottenham ក្នុងកិច្ចសន្យាខ្ចីជើងរយៈពេលមួយរដូវកាលពី Real Madrid កាលពីខែមុន ប៉ុន្តែគាត់មិនទាន់បង្ហាញខ្លួននៅឡើយទេ ខណៈពេលដែល​កីឡារកររូបនេះកំពុងបង្កើនការវិកហាត់របស់គាត់។ បន្ទាប់ពីការលេងដំបូងរបស់គាត់ជាមួយក្រុម Southampton គាត់បានចំណាយពេល​៦ឆ្នាំនៅឯ Spurs គឺពីឆ្នាំ ២០០៧ ដល់ឆ្នាំ ២០១៣។ ក្នុងឆ្នាំ២០១៣ កីឡាករ Bale បានផ្លាស់ទៅលេងអោយក្រុម Real Madrid ដោយ បានឈ្នះពានចំនួន៤ផងដែរ៕

ប្រភព​​​៖ Goal

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ