ភ្នំពេញ៖ ដើម្បីអបអរព្រះរាជពិធីបុណ្យអុំទូក និងជាការថ្លែងអំណរគុណដល់អតិថិជន ដែលតែងតែគាំទ្រក្រុមហ៊ុនស៊ុនស៊ីម៉ិចកូ អស់រយៈពេលជាង ២៧ ឆ្នាំមកនេះ ក្រុមហ៊ុនស៊ុនស៊ីម៉ិចកូ បានបើកយុទ្ធនាការប្រូម៉ូសិនពិសេស លក់លាងឃ្លាំង ដែលមានការបញ្ចុះតម្លៃ ការថែមជូនកាដូពិសេសៗ និងឱកាសឈ្នះរង្វាន់រថយន្ត Ford Ecosports 2020 អមជាមួយនឹងរង្វាន់ម៉ូតូនិងរង្វាន់ផ្សេងៗជាច្រើនទៀត។ កម្មវិធីចាប់រង្វាន់នេះ នឹងធ្វើឡើងជារៀងរាល់ខែ ដោយមានការផ្សាយផ្ទាល់នៅលើទំព័រហ្វេសប៊ុកផ្លូវការរបស់ ក្រុមហ៊ុន ស៊ុនស៊ីម៉ិចកូ ចាប់ពីបំណាច់ខែតុលា រហូតដល់បំណាច់ខែកុម្ភៈ ឆ្នាំ២០២១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងឱកាសដ៏មហាឡារិកនេះ ក្រុមហ៊ុនស៊ុនស៊ីម៉ិចកូ ក៏មិនភ្លេចពីការចូលរួមចំណែកដ៏សំខាន់ នៅក្នុងសង្គមផងដែរ គឺក្រុមហ៊ុនក៏ នឹងធ្វើការបរិច្ចាកទឹកប្រាក់១ម៉ឺនដុល្លារសហរដ្ឋអាមេរិក ទៅដល់ប្រជាជន ដែលកំពុងរងគ្រោះដោយសារគ្រោះទឹកជំនន់ផងដែរ។
នៅក្នុងពិធីសម្ពោធប្រូម៉ូសិនដ៏ធំនេះ លោក គង់ ចិត្រា អគ្គនាយកនៃក្រុមហ៊ុនស៊ុនស៊ីម៉ិចកូ បានថ្លែងឲ្យដឹងដែរថា៖
គួរបញ្ជាក់ផងដែរថា រាល់អតិថិជនដែលចំណាយទឹកប្រាក់ចាប់ពី ១៥០ ដុល្លារនៅគ្រប់សាខាស៊ុនស៊ីម៉ិចកូ នឹងទទួលបានសន្លឹកឆ្នោត ១ សន្លឹក ដែលមានឱកាសឈ្នះដល់ទៅ ៥ ដងជារៀងរាល់ខែ ដល់បំណាច់ខែកុម្ភៈ ឆ្នាំ២០២០។ អតិថិជនដែលទិញកាន់តែច្រើន នឹងទទួលបានសន្លឹកឆ្នោតកាន់តែច្រើន និងមានឱកាសឈ្នះកាន់តែច្រើន។
អមជាមួយគ្នា ក្រុមហ៊ុន ស៊ុនស៊ីម៉ិចកូ ក៏បានប្រកាសបើកសាកល្បងនូវគេហទំព័រថ្មីរបស់ខ្លួន www.sunsimexco.com ដែលអនុញ្ញាតអោយអតិថិជនទាំងអស់ អាចធ្វើការបញ្ជាទិញតាមប្រព័ន្ធអេឡិចត្រូនិចនេះ។ ការបើកសាកល្បងនេះ គឺជាដំណាក់ដំបូងប៉ុណ្ណោះ ក្រុមហ៊ុននឹងធ្វើការអភិវឌ្ឍបន្ថែមទៀត ដើម្បីបង្កភាពងាយស្រួលដល់អតិថិជន ក្នុងការទិញទំនិញតាមទូរស័ព្ទដៃ។
អំពីក្រុមហ៊ុនស៊ុនស៊ីម៉ិចកូ
ក្រុមហ៊ុន ស៊ុនស៊ីម៉ិចកូ គឺជាក្រុមហ៊ុនក្នុងស្រុក ដែលបានចាប់ផ្តើមដំណើរការតាំងពីឆ្នាំ១៩៩៣ មកម្ល៉េះ ក្នុងការផ្គត់ផ្គត់គ្រឿងអេឡិចត្រូនិច និងបរិក្ខារផ្ទះបាយជូនប្រជាជនកម្ពុជា។ ក្រុមហ៊ុនផ្តោតសំខាន់លើការផ្តល់ជូនអតិថិជន នូវផលិតផលដែលមានគុណភាពខ្ពស់ មានការធានាត្រឹមត្រូវ រួមមានទូរទស្សន៍ ទូរទឹកកក ម៉ាស៊ីនបោក ម៉ាស៊ីនត្រជាក់ និងបរិក្ខារផ្ទះបាយជាច្រើនមុខទៀត ដែលសុទ្ធសឹងជាម៉ាកល្បីៗនៅទូទាំងសកលលោក ដូចជា Sony, Panasonic, Samsung, LG, Philips, Sharp, Midea, Electrolux, Akira, Toshiba, Fujioh, Beko, និង Mayer ជាដើម។
ជាមួយនឹងវត្តមានជាង ២៧ ឆ្នាំ នៅក្នុងទីផ្សារកម្ពុជា ក្រុមហ៊ុន ស៊ុនស៊ីម៉ិចកូ មានសាខាសរុប ១៩ កន្លែងនៅទូទាំងព្រះរាជាណាចក្រកម្ពុជា ក្នុងនៅមាន១៤សាខានៅរាជធានីភ្នំពេញ និង៥សាខានៅតាមបណ្តាខេត្តធំៗ ដូចជា បាត់ដំបង សៀមរាប កំពង់សោម កំពត និងកំពង់ចាម៕