ចិន៖ មហាជនអ្នកប្រើប្រាស់បណ្ដាញសង្គមជាច្រើន បានសម្ដែងការហួសចិត្ត និងអស់ចំណើចយ៉ាងខ្លាំង ជុំវិញនឹងវីដេអូឃ្លីបមួយ ដែលត្រូវបានថតបង្ហោះចែកចាយនូវសកម្មភាព ឆ្មាមួយក្បាលឈ្មោះថា Xiao Hu ឬខ្លាតូច បានហាត់ប្រាណយកសាច់ដុំក្បាលពោះ នៅក្លិបហាត់ប្រាណមួយកន្លែងក្នុងទីក្រុង Jining ភាគខាងកើតប្រទេសចិន។

តាមប្រភពព័ត៌មានបានឲ្យដឹងថា វីដេអូឃ្លីបមួយនេះ ត្រូវបានថតឡើងកាលពីថ្មីៗនេះ ដោយម្ចាស់របស់វាផ្ទាល់ ដែលមាននាមត្រកូលថាលោក ឈូ ហើយយកទៅបង្ហោះចែកចាយលើបណ្ដាញសង្គម ដោយទទួលបានការចាប់អារម្មណ៍យ៉ាងខ្លាំង។

ជាក់ស្ដែង តាមរយៈវីដេអូឃ្លីប បង្ហាញឲ្យឃើញថា ឆ្មាមួយក្បាលនេះ បានដាក់ខ្លួនដេកផ្ញារលើឥដ្ឋ និងសំដូកជើងទៅត្រង់ ហើយងើបក្បាលទៅមុខជាច្រើនដង ដែលនេះជាក្បាច់ហាត់ប្រាណដ៏ពេញនិយមសម្រាប់អ្នកចង់បានសាច់ដំុក្បាលពោះ។

យោងតាមសម្ដីរបស់លោក ឈូ បានឲ្យដឹងថា រូបលោកផ្ទាល់បានទទួលចិញ្ចឹមឆ្មាមួយក្បាលនេះ កាលពីជាងមួយឆ្នាំមុនកន្លងទៅ បន្ទាប់ពីឃើញវានៅខាងក្រៅក្លិបហាត់ប្រាណ។ ហើយវាឃើញមនុស្សជាច្រើនហាត់ក្បាច់នេះជាញឹកញាប់ រួចវាក៏រៀនតាម ហើយវាក៏អនុវត្តស្ទើរតែជារៀងរាល់ថ្ងៃតែម្ដង។

យ៉ាងណាមិញ ជុំវិញវីដេអូខាងលើនេះ ទទួលបានអ្នកចុចចូលទស្សនារហូតដល់ទៅជាង១.៦លានដងឯណោះ និងមានមហាជនមួយចំនួន បានបញ្ចេញមតិបែបលេងសើច ដោយលើកឡើងថា៖

មតិមហាជន
មតិមហាជន

សូមទស្សនារូបភាពនិងវីដេអូខាងក្រោម៖

សកម្មភាពឆ្មាកំពុងហាត់ប្រាណ
សកម្មភាពឆ្មាកំពុងហាត់ប្រាណ
ឆ្មា Xiao Hu
ឆ្មា Xiao Hu
ឆ្មា Xiao Hu
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ