ខ្សែប្រយុទ្ធវ័យក្មេង Rodrygo បានអះអាងថារូបគេមិនចង់ក្លាយជា Neymar ថ្មីនោះទេ ដោយគាត់ចង់ក្លាយជាខ្លួនឯង ដោយបង្កើតកំណត់ត្រាខ្លួនឯងផ្ទាល់តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ១៩ឆ្នាំខាងលើ ដែលកំពុងបម្រើអាជីពនៅក្លិប Real Madrid បានក្លាយជាកីឡាករលេចធ្លោម្នាក់ក្នុងក្រុមជម្រើសជាតិប្រេស៊ីលនាពេលបច្ចុប្បន្ននេះ។ អ្នកវិភាគជាច្រើនបានមើលឃើញថា អនាគតរបស់ Rodrygo អាចជាអ្នកស្នងតំណែងរបស់ Neymar ផងដែរ។
ប៉ុន្តែសម្រាប់សាមីខ្លួនវិញបានយល់ឃើញថា៖ “តាំងពីខ្ញុំចាប់អាជីពជាមួយក្រុម Santos មក ពួកគេបានប្រៀបខ្ញុំជា Neymar និង Robinho ថ្មីទៅហើយ។ ខ្ញុំតែងតែមានសម្ពាធចំពោះរឿងមួយនេះ ហើយតែងតែនិយាយថាខ្ញុំចង់ក្លាយជា Rodrygo និងបង្កើតប្រវត្តិសាស្ត្រដោយខ្លួនឯង ជាឈ្មោះខ្លួនឯង។ Neymar ជានិមិត្តរូបរបស់កីឡាករក្មេងៗគ្រប់គ្នានៅប្រេស៊ីល ប៉ុន្តែខ្ញុំចង់ក្លាយជាខ្លួនឯង”៕
ប្រភព៖ Goal