យោងតាមរបាយការណ៍ពី ESPN បានឱ្យដឹងថា ក្រុមតោខៀវ Chelsea កំពុងតែឃ្លាំមើលស្ថានភាពរបស់ Dybala យ៉ាងយកចិត្តទុកដាក់បំផុត បន្ទាប់ពីរូបគេហាក់មិនពេញចិត្តនឹងការដឹកនាំរបស់គ្រូបង្វឹកថ្មីលោក Pirlo នោះទេ ចំពេលកិច្ចសន្យាបច្ចុប្បន្នរបស់គាត់ក៏នឹងត្រូវបញ្ចប់នៅចុងរដូវកាល ២០២១-២២ ខាងមុខផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរំលឹកផងដែរថា ក្រុមសេះបង្កង់ Juventus ធ្លាប់បានត្រៀមខ្លួនដើម្បីលក់ Dybala កំឡុងពេលទីផ្សារដោះដូរកីឡាករដែលទើបតែបញ្ចប់នាថ្មីៗកន្លងទៅ ប៉ុន្តែពួកគេមិនបានទទួលការផ្តល់ជូនសមរម្យណាមួយនោះទេ។ នៅរដូវកាលនេះ Dybala នៅមិនទាន់បានបង្ហាញខ្លួនក្នុងការប្រកួតណាមួយនៅឡើយទេសម្រាប់ក្រុមសេះបង្កង់ Juventus ។
យ៉ាងណាមិញ តាមការវិភាគគេយល់ថាគ្រូបង្វឹកថ្មីលោក Andrea Pirlo កំពុងសំលឹងមើលខ្សែប្រយុទ្ធថ្មីក្នុងដៃដើម្បីដាក់ឱ្យលេងជំនួស Dybala វិញ។ ហើយដោយមើលឃើញពីឱកាសអំណោយផលទាំងនេះ ក្លិបតោខៀវ Chelsea កំពុងពិចារណាដាក់ដេញថ្លៃយក Dybala មកកាន់ទឹកដី Premier Leauge ម្តងទៀត ហើយពួកគេក៏កំពុងតាមដានយ៉ាងជិតដិតចំពោះស្ថានភាពបច្ចុប្បន្នរបស់ខ្សែប្រយុទ្ធរូបនេះនៅក្រុម Juventus ផងដែរ៕
ប្រភព៖ Sportskeeda