បរទេស៖ នៅក្នុងការប្រកួតជុំទី៤នៃពូល A1 ពានរង្វាន់ UEFA Nations League យប់មិញនេះ ក្រុមជម្រើសជាតិប៉ូឡូញ បានវ៉ាដាច់ពិន្ទុអ៊ីតាលី និងហូឡង់ឡើងឈរកំពូលតារាង ក្រោយយកឈ្នះបូស្ន៊ីដោយលទ្ធផល៣ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកំពូលខ្សែប្រយុទ្ធ Robert Lewandowski រកបានគ្រាប់ទី៦៣របស់ខ្លួនឲ្យប៉ូឡូញ ក្រោយស៊ុតបាន២គ្រាប់ម្នាក់ឯងយប់មិញ។ មិនត្រឹមតែប៉ុណ្ណោះ មួយគ្រាប់ទៀតរបស់ប៉ូឡូញក៏ជាគុណសម្បត្តិរបស់តារាវ័យ៣២ឆ្នាំរូបនេះផងដែរ ពោលគឺរូបគេជាអ្នកបោះបាល់ឲ្យកីឡាករ Karol Linetty តែតបញ្ចូលទី។
គួរបញ្ជាក់ដែរថានៅក្នុងការបង្ហាញខ្លួន១០ប្រកួតចុងក្រោយឲ្យប៉ូឡូញកីឡាករ Robert Lewandowski រកបាន៨គ្រាប់ និងរកបាន១០០គ្រាប់ ក្នុងការបង្ហាញខ្លួន៩៩ប្រកួតចុងក្រោយឲ្យក្លិប Bayern Munich ៕
ប្រភព៖ bbc