គ្រាប់ទី៣ Jota អូសស៊ុតអេមណាស់! ព័រទុយកាល់រកបាន៣ពិន្ទុក្រោយឈ្នះស៊ុយអែត៣-០ យប់មិញ (មានវីដេអូ)

បរទេស៖ បើទោះបីជាគ្មានវត្តមានប្រធានក្រុមឆ្នើម Cristiano Ronaldo ក៏ពិតមែន ប៉ុន្តែក្រុមជម្រើសជាតិព័រទុយកាល់នៅតែធ្វើបានល្អក្នុងការប្រកួតពានរង្វាន់ UEFA Nations League វគ្គចែកពូលជុំទី៤យប់មិញនេះ ពោលគឺបានយកឈ្នះជម្រើសជាតិស៊ុយអែតដោយលទ្ធផល៣ទល់នឹង០។ 

ក្នុងនោះដែរខ្សែបម្រើរបស់ក្លិប Manchester City គឺកីឡាករ Bernardo Silva ជាអ្នករកគ្រាប់បើកឆាកឲ្យព័រទុយកាល់នៅនាទីទី២១។ ក្រោយមកនៅនាទីទី៤៤ និង ៧២ ខ្សែប្រយុទ្ធចំណូលថ្មីរបស់ក្លិបហង្សក្រហម Liverpool គឺកីឡាករ Diogo Jota បន្ថែមបានពីរគ្រាប់ទៀត ជួយឲ្យព័រទុយកាល់លត់ស៊ុយអែត៣ទល់នឹង០។ 

យោងតាមលទ្ធផលនេះព័រទុយកាល់បន្តឈរនៅកំពូលតារាងជាបណ្តោះអាសន្ន មាន១០ពិន្ទុស្មើនឹងជម្រើសជាតិបារាំងដែលទើបនឹងឈ្នះក្រូអាតដោយលទ្ធផល១ទល់នឹង២កាលពីយប់មិញដែរនោះ៕

ប្រភព៖ bbc