សិង្ហបុរី៖ កងកំលាំងប៉ូលីសសិង្ហបុរីបាននិយាយនៅក្នុងសេចក្តីប្រកាសព័ត៌មានមួយនៅថ្ងៃអង្គារទី ១៣ ខែតុលាថា បុរសជនជាតិឥណ្ឌូនេស៊ី ៤ នាក់ត្រូវបានចាប់ខ្លួន និងចោទប្រកាន់ពីបទលួចឆ្លងដែនចូលប្រទេសសិង្ហបុរីដោយខុសច្បាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបុរសទាំងនេះត្រូវបានរកឃើញដំបូងនៅដែនដី Tuas Reclaimed Land នៅម៉ោងប្រហែល ៨ និង ៣០ នាទីយប់ថ្ងៃទី ៩ ខែតុលាដោយប៉ូលីសឆ្មាំឆ្នេរសមុទ្រតាមរយៈប្រព័ន្ធឃ្លាំមើល។ ក្រុមអាជ្ញាធរបាននិយាយថា បុរសទាំងនោះបានលោតចេញពីទូកដែលមិនមានលេខសម្គាល់ចូលទៅក្នុងទឹកនៅជិតដែនដី Tuas Reclaimed Land មុនពេលហែលទឹកឆ្ពោះទៅច្រាំង។ បុរសទាំងនោះត្រូវបានចាប់ខ្លួនក្នុងរយៈពេលប្រាំម៉ោងគិតចាប់ពីពេលរកឃើញ។
ពួកគេទាំងបួននាក់ត្រូវបានចោទប្រកាន់នៅតុលាការកាលពីថ្ងៃទី ១០ ខែតុលា ពីបទឆ្លងដែនចូលប្រទេសសិង្ហបុរីដោយខុសច្បាប់ដែលអនុវត្តទោសអោយជាប់ពន្ធនាគាររហូតដល់ ៦ ខែ។ ប៉ូលីសបាននិយាយថា ជនសង្ស័យត្រូវបានប្រគល់ទៅអោយអាជ្ញាធរអន្តោប្រវេសន៍ និងប៉ុស្តិ៍ត្រួតពិនិត្យដើម្បីស៊ើបអង្កេតបន្ថែម។
មេបញ្ជាការកងឆ្មាំឆ្នេរសមុទ្រ និងជាជំនួយការស្នងការជាន់ខ្ពស់នៃស្នងការដ្ឋាននគរបាលលោក Cheang Keng Keong បានមានប្រសាសន៍ថា៖ “ ការប្រុងប្រយ័ត្នរបស់មន្រ្តី និងក្រុមការងារដែលជាលទ្ធផលនៃការចាប់ខ្លួនយ៉ាងឆាប់រហ័ស គឺគួរអោយសរសើរណាស់។
អាជ្ញាធរអះអាងថា មន្រ្តីឆ្មាំឆ្នេរសមុទ្រនឹងបន្តចាត់វិធានការយ៉ាងម៉ឺងម៉ាត់ចំពោះជនល្មើសទាំងនោះដើម្បីការពារដែនទឹក និងព្រំដែនសមុទ្ររបស់យើងប្រឆាំងនឹងការគម្រាមកំហែងឧក្រិដ្ឋកម្ម និងសន្តិសុខរួមទាំងការឆ្លងដែនចូល និងការចាកចេញដោយគ្មានការអនុញ្ញាតពីប្រទេសសិង្ហបុរី៕