អាមេរិក៖ កាលពីសប្ដាហ៍មុននេះ លោកតាម្នាក់មានឈ្មោះថា Juan Ciprian វ័យ៨១ឆ្នាំ បានទទួលមរណភាព ដោយសារជំងឺកូវីដ-១៩ ក្រោយពីមិនព្រមពាក់ម៉ាស់ការពារ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់នាង Stephanie វ័យ២៤ឆ្នាំជាចៅស្រីបានឲ្យដឹងថា លោកតារបស់នាង គឺជាសមាជិកក្នុងគ្រួសារម្នាក់គត់ ដែលមិនព្រមពាក់ម៉ាស់ការពារពីការឆ្លងជំងឺកូវីដ-១៩ រួមទាំងមិនអើពើលើការថែរក្សាអនាម័យ និងជាអ្នកគាំទ្រលោក ដូណាល់ ត្រាំ យ៉ាងងប់ងល់បំផុត ដោយតែងតែជឿនឹងសម្ដីពីនេះពីនោះរបស់លោកត្រាំជានិច្ច។ លោកតាបានចេញរោគសញ្ញានៃជំងឺ នៅថ្ងៃទី១៩ ខែកញ្ញាកន្លងទៅនេះ និងត្រូវបានបញ្ជូនទៅកាន់មន្ទីរពេទ្យក្នុងតំបន់ នៅបីថ្ងៃបន្ទាប់។ ហើយលុះមកដល់ថ្ងៃអង្គារទី២៩ ខែកញ្ញា លោកតាក៏បានលាចាកលោកបាត់ទៅ។
ទន្ទឹមនឹងនេះដែរ ប្រពន្ធរបស់លោកតា ព្រមទាំងសមាជិកគ្រួសារផ្សេងទៀត ក៏ត្រូវបានធ្វើរោគវិនិច្ឆ័យឃើញថា មានផ្ទុកជំងឺកូវីដ-១៩ផងដែរ ដែលសរុបសមាជិកឆ្លងទាំងអស់មានចំនួន៧នាក់ ហើយពួកគេជឿជាក់ថា បានឆ្លងជំងឺនេះពីលោកតាតែម្ដង។
យ៉ាងណាមិញ ឥឡូវនេះសមាជិក ដែលឆ្លងជំងឺកូវីដ-១៩ទាំងអស់ កំពុងសម្រាកព្យាបាលនៅមន្ទីរពេទ្យ ហើយនាង Stephanie ក៏បានផ្ដាំផ្ញើទៅកាន់លោកត្រាំដែរថា៖
គួររម្លឹកដែរថា លោកដូណាល់ ត្រាំធ្លាប់បានមានប្រសាសន៍ថា ជំងឺកូវីដ-១៩មិនមែនជាជំងឺដែលប្រជាជនត្រូវខ្លាចឡើយ ហើយកុំឲ្យវាត្រួតត្រាលើជីវិត ដោយត្រូវហ៊ានប្រឈមមុខជាមួយវាផងដែរ៕