កីឡាករ ១៦រូបនេះ ធ្លាប់មានតម្លៃខ្លួនក្នុងទីផ្សារលើស ១០០លានផោន

ក្នុងសតវសត្សរ៍ទី២១នេះ តម្លៃខ្លួនរបស់កីឡាករមួយរូបៗ ហាក់កើនឡើងលើសពីការស្មាន បើធៀបនឹងកីឡាករល្បីៗនាសម័យមុនៗ ដែលជាហេតុធ្វើឱ្យក្លឹបនីមួយៗពិបាកក្នុងការនាំចូលកីឡាករល្បីៗ ប្រសិនបើក្លឹបនោះមិនមានហិរញ្ញវត្ថុរឹងមាំនោះទេ។

មកដល់បច្ចុប្បន្ននេះ តម្លៃខ្លួនរបស់កីឡាករដែលថ្លៃជាងគេ គឺមានតម្លៃដល់ទៅ ២០០លានផោនឯណោះ (កីឡាករ Kylian Mbappé)។ តម្លៃខ្លួនរបស់កីឡាករទាំងអស់ អាចនឹងកើន ឬថយចុះ ទៅតាមការវាយតម្លៃជាច្រើន (ឧទាហរណ៍៖ តួនាទីលេង, អាយុ, សញ្ជាតិ, កិច្ចសន្យាជាមួយក្លឹប, ទម្រង់លេង។ល។) របស់កីឡាករមួយរូបៗ។

ខាងក្រោមនេះ ជាកីឡាករទាំង ១៦រូប ដែលធ្លាប់មានតម្លៃខ្លួនលើស ១០០លានផោន ខណៈដែលតម្លៃខ្លួនរបស់ពួកគេនាពេលបច្ចុប្បន្នបានធ្លាក់ចុះជាងតម្លៃនាពេលនោះ ដូចជា៖

១៦-ខ្សែបម្រើប្រយុទ្ធជម្រើសជាតិអាហ្សង់ទីន Paulo Dybala វ័យ ២៦ឆ្នាំ កំពុងលេង​ឱ្យក្លឹប Juventus របស់លីគកំពូលអ៊ីតាលី។ Dybala ធ្លាប់ឡើងតម្លៃខ្លួនខ្ពស់បំផុតរហូតដល់ ១១០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី៧ ខែមិថុនា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ៨០លានផោនប៉ុណ្ណោះ។

១៥-ខ្សែការពារជម្រើសជាតិអង់គ្លេស Trent Alexander-Arnold វ័យ ២១ឆ្នាំ កំពុងលេង​ឱ្យក្លឹប Liverpool របស់លីគកំពូលអង់គ្លេស។ Arnold បានឡើងតម្លៃខ្លួនខ្ពស់បំផុតរហូតដល់ ១១០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១០ ខែធ្នូ ឆ្នាំ២០១៩ ខណៈបច្ចុប្បន្ននេះ រូបគេនៅតែរក្សាតម្លៃខ្លួននេះដដែល។

១៤-ខ្សែប្រយុទ្ធជម្រើសជាតិព័រទុយហ្គាល់ Cristiano Ronaldo វ័យ ៣៥ឆ្នាំ កំពុងលេង​ឱ្យក្លឹប Juventus របស់លីគកំពូលអ៊ីតាលី។ Ronaldo ធ្លាប់ឡើងតម្លៃខ្លួនខ្ពស់បំផុតរហូតដល់ ១២០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី២២ ខែតុលា ឆ្នាំ២០១៤ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ៦០លានផោនប៉ុណ្ណោះ។

១៣-ខ្សែប្រយុទ្ធស្លាបជម្រើសជាតិបារាំង Ousmane Dembélé វ័យ ២៣ឆ្នាំ កំពុងលេង​ឱ្យក្លឹប Barcelona របស់លីគកំពូលអេស្ប៉ាញ។ Dembélé ធ្លាប់ឡើងតម្លៃខ្លួនខ្ពស់បំផុតរហូតដល់ ១២០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី២៨ ខែកុម្ភៈ ឆ្នាំ២០១៩ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ៥៦លានផោនប៉ុណ្ណោះ។

១២-ខ្សែប្រយុទ្ធស្លាបជម្រើសជាតិអង់គ្លេស Jadon Sancho វ័យ ២០ឆ្នាំ កំពុងលេង​ឱ្យក្លឹប Borussia Dortmund របស់លីគកំពូលអាល្លឺម៉ង់។ Jadon Sancho ធ្លាប់ឡើងតម្លៃខ្លួនខ្ពស់បំផុតរហូតដល់ ១៣០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១១ ខែមីនា ឆ្នាំ២០២០ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១១៧លានផោនប៉ុណ្ណោះ។

១១-ខ្សែប្រយុទ្ធស្លាបជម្រើសជាតិបែលហ្សិក Eden Hazard វ័យ ២៩ឆ្នាំ កំពុងលេង​ឱ្យក្លឹប Real Madrid របស់លីគកំពូលអេស្ប៉ាញ។ Hazard ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១៧ ខែតុលា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ៨០លានផោនប៉ុណ្ណោះ។

១០-ខ្សែបម្រើប្រយុទ្ធជម្រើសជាតិប្រេស៊ីល Philippe Coutinho វ័យ ២៨ឆ្នាំ កំពុងលេង​ឱ្យក្លឹប Barcelona របស់លីគកំពូលអេស្ប៉ាញ។ Coutinho ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី៣១ ខែតុលា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ៥៦លានផោនប៉ុណ្ណោះ។

៩-ខ្សែបម្រើប្រយុទ្ធជម្រើសជាតិបែលហ្សិក Kevin De Bruyne វ័យ ២៩ឆ្នាំ កំពុងលេង​ឱ្យក្លឹប Manchester City របស់លីគកំពូលអង់គ្លេស។ De Bruyne ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី២៨ ខែឧសភា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១២០លានផោនប៉ុណ្ណោះ។

៨-ខ្សែប្រយុទ្ធជម្រើសជាតិបារាំង Antoine Griezmann វ័យ ២៩ឆ្នាំ កំពុងលេង​ឱ្យក្លឹប Barcelona របស់លីគកំពូលអេស្ប៉ាញ។ Griezmann ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី៣១ ខែតុលា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ៩៦លានផោនប៉ុណ្ណោះ។

៧-ខ្សែប្រយុទ្ធជម្រើសជាតិអង់គ្លេស Harry Kane វ័យ ២៧ឆ្នាំ កំពុងលេង​ឱ្យក្លឹប Tottenham Hotspur របស់លីគកំពូលអង់គ្លេស។ Kane ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី២៨ ខែឧសភា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១២០លានផោនប៉ុណ្ណោះ។

៦-ខ្សែប្រយុទ្ធស្លាបជម្រើសជាតិអេហ្សិប Mohamed Salah វ័យ ២៨ឆ្នាំ កំពុងលេង​ឱ្យក្លឹប Liverpool របស់លីគកំពូលអង់គ្លេស។ Salah ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី២៨ ខែឧសភា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១២០លានផោនប៉ុណ្ណោះ។

៥-ខ្សែប្រយុទ្ធស្លាបជម្រើសជាតិសេណេហ្គាល់ Sadio Mané វ័យ ២៨ឆ្នាំ កំពុងលេង​ឱ្យក្លឹប Liverpool របស់លីគកំពូលអង់គ្លេស។ Mané ធ្លាប់ឡើងតម្លៃខ្លួនខ្ពស់បំផុតរហូតដល់ ១៥០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១០ ខែធ្នូ ឆ្នាំ២០១៩ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១២០លានផោនប៉ុណ្ណោះ។

៤-ខ្សែប្រយុទ្ធស្លាបជម្រើសជាតិអង់គ្លេស Raheem Sterling វ័យ ២៥ឆ្នាំ កំពុងលេង​ឱ្យក្លឹប Manchester City របស់លីគកំពូលអង់គ្លេស។ Sterling ធ្លាប់ឡើងតម្លៃខ្លួនខ្ពស់បំផុតរហូតដល់ ១៦០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១០ ខែធ្នូ ឆ្នាំ២០១៩ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១២៨លានផោនប៉ុណ្ណោះ។

៣-ខ្សែប្រយុទ្ធជម្រើសជាតិអាហ្សង់ទីន Lionel Messi វ័យ ៣៣ឆ្នាំ កំពុងលេង​ឱ្យក្លឹប Barcelona របស់លីគកំពូលអេស្ប៉ាញ។ Messi ធ្លាប់ឡើងតម្លៃខ្លួនខ្ពស់បំផុតរហូតដល់ ១៨០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១ ខែមករា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១១២លានផោនប៉ុណ្ណោះ។

២-ខ្សែប្រយុទ្ធស្លាបជម្រើសជាតិប្រេស៊ីល Neymar វ័យ ២៨ឆ្នាំ កំពុងលេង​ឱ្យក្លឹប PSG របស់លីគកំពូលបារាំង។ Neymar ធ្លាប់ឡើងតម្លៃខ្លួនខ្ពស់បំផុតរហូតដល់ ១៨០លានផោន ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី២៤ ខែមករា ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១២៨លានផោនប៉ុណ្ណោះ។

១-ខ្សែប្រយុទ្ធជម្រើសជាតិបារាំង Kylian Mbappé វ័យ ២១ឆ្នាំ កំពុងលេង​ឱ្យក្លឹប PSG របស់លីគកំពូលបារាំង។ Mbappé ធ្លាប់ឡើងតម្លៃខ្លួនខ្ពស់បំផុតរហូតដល់ ២០០លានផោន ដែលធ្វើឱ្យគេក្លាយជាកីឡាករដែលមានតម្លៃខ្លួនខ្ពស់បំផុតក្នុងប្រវត្តិសាស្ត្របាល់ទាត់ ក្នុងពេលធ្វើបច្ចុប្បន្នភាពវាយតម្លៃកាលពីថ្ងៃទី១៧ ខែធ្នូ ឆ្នាំ២០១៨ ខណៈបច្ចុប្បន្ននេះ រូបគេបានធ្លាក់តម្លៃខ្លួនមកនៅត្រឹម ១៨០លានផោន តែនៅជាកីឡាករដែលមានតម្លៃខ្លួនខ្ពស់ជាងគេដដែល៕

ប្រភព៖ transfermarkt