ការខិតខំ និងឆន្ទៈដ៏មោះមុតរបស់ Cristiano Ronaldo បានធ្វើឱ្យមិត្តរួមទ្រនំគឺខ្សែការពារ Leonardo Bonucci ចេញមកសរសើរមិនដាច់ពីមាត់ ហើយបង្ហាញការគោរពអស់ពីបេះដូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែការពារសញ្ជាតិអុីតាលី ដែលបានរួមជើងជាមួយ Ronaldo បន្ទាប់ពីការផ្ទេរមកក្លិប Juventus រយៈពេល ២ ឆ្នាំមកនេះបាននិយាយថា៖ “Ronaldo គឺជាមនុស្សដំបូងដែលបង្ហាញការគាំទ្រទៅដល់ក្រុមទាំងមូលតាមរយៈពាក្យពេចន៍វិជ្ជមានចេញពីមាត់របស់គាត់ ហើយបែបបទនៃការហ្វឹកហាត់គឺពិតជាគួរឱ្យស្ញប់ស្ញែង ដោយជារៀងរាល់ថ្ងៃក្រោយចប់ការហ្វឹកហាត់លើទីលាន គាត់បន្ថែមការធ្វើលំហាត់ប្រាណនៅក្លឹបហាត់ប្រាណបន្ថែមទៀត”។
លោកបន្ថែមថា៖ “ពេលខ្លះមើលទៅកម្រិតនៃភាពអំណត់របស់គាត់គឺពិតជាអស្ចារ្យខ្លាំងណាស់។ គាត់ហាក់បីដូចជាម៉ាស៊ីន ហើយខ្ញុំពិតជាមានការគោរពចំពោះគាត់ជាខ្លាំង”។
គួរឱ្យដឹងផងដែរថា សម្រាប់រដូវកាល ២០២០-២០២១ CR7 កំពុងបង្ហាញពីភាពជោគជ័យជាបណ្តើរៗ ក្នុងវ័យ ៣៥ ឆ្នាំ ដោយ ២ ប្រកួតដំបូង គាត់រកបានដល់ទៅ ៣ គ្រាប់ទៅហើយ៕
ប្រភព៖ Sportbible