មិនមែនមានតែ Dier ទេ! ទាំងនេះជាកីឡាករដែលជួបទុក្ខ រឿងឈឺបត់ជើង កំឡុងពេលប្រកួត

បរទេស៖​  ខ្សែបម្រើការពារកីឡាករ Eric Dier របស់ក្លិប Tottenham Hotspur ត្រូវបង្ខំចិត្តរត់ទៅបន្ទប់ទឹកក្នុងកំឡុងពេលប្រកួតជាមួយក្លិបតោខៀវ Chelsea នៃពានរង្វាន់ League Cup កាលពីយប់ម្សិលមិញនេះ។ 

ដោយឡែកក្រៅពី Dier ក៏ធ្លាប់មានកីឡាករកំពូលៗប៉ុន្មានរូបទៀត ដែលធ្លាប់ជួបរឿងឈឺបត់ជើងក្នុងកំឡុងពេលប្រកួតដូចគ្នានេះផងដែរ។ 

• អតីតអ្នកចាំទី Fabien Barthez របស់ក្លិប Marseille និង Manchester United ធ្លាប់ឈរបត់ជើងតូចនៅលើទីលាន កំឡុងការប្រកួតរវាង Marseille និង Inter Milan ក្នុងឆ្នាំ២០០៧។

• កីឡាករ Ronaldo ប្រេសុីលធ្លាប់ត្រូវបានគេថតជាប់ ពេលកំពុងបត់ជើងតូចនៅលើទីលានក្នុងកំឡុងពេលប្រកួតយកមេដាយ Olympics ឆ្នាំ១៩៩៦។ 

• កំពូលខ្សែការពារ Sergio Ramos ក៏ធ្លាប់បត់ជើងតូចនៅលើទីលានដូចគ្នា ក្នុងការប្រកួតជាមួយ Eibar ឆ្នាំ២០១៨។

• អ្នកចាំទី Jens Lehmann ៖ កីឡាកររូបនេះបានឆ្លៀតពេល រត់ទៅបត់ជើងតូចនៅខាងក្រោយផ្ទាំងពាណិជ្ចកម្មខណៈដែល Arsenal កំពុងសម្រុកលើ Stuttgart ក្នុងឆ្នាំ២០០៩។ 

• កីឡាករ Jason Puncheon ដែលជាអតីតខ្សែបម្រើរបស់ក្លិប  Southampton ក៏ធ្លាប់ធ្វើរឿងដូចគ្នាទៅនឹងអ្វីដែល Eric Dier បានធ្វើក្នុងកំឡុងការប្រកួតជាមួយក្លិប Everton ឆ្នាំ២០១៣ ពោលត្រូវរត់ចេញពីទីលានដើម្បីទៅចូលបន្ទប់ទឹក ៕​

ប្រភព៖ thesun