អង់គ្លេស៖ ក្នុងការប្រកួតពានរង្វាន់ Carabao Cup វគ្គ១៦ក្រុមចុងក្រោយ កាលពីរាត្រីថ្ងៃពុធម្សិលមិញ ក្រមស្ករគ្រាប់ Everton បានយកឈ្នះទៅលើក្រុមញញួរយក្ស West Ham United នៅកីឡដ្ឋាន Goodison Park ដោយលទ្ធផល ៤ទល់នឹង១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៤គ្រាប់របស់ក្រុមម្ចាស់ផ្ទះ Everton រកបានដោយកីឡាករ២រូប ក្នុងនោះខ្សែប្រយុទ្ធកំពុងឡើងកូដ Dominic Calvert-Lewin ស៊ុតបាន៣គ្រាប់ម្នាក់ឯង និង១គ្រាប់ទៀតស៊ុតសម្រេចទីដោយម្ចាស់អាវលេខ៧ Richarlison។
ចំណែកឯ១គ្រាប់របស់ក្រុម West Ham ធ្វើបានតាមរយៈខ្សែបម្រើ Robert Snodgrass ក្រោមការបញ្ជូនយ៉ាងល្អពីសំណាក់កីឡាករសញ្ជាតិប្រេស៊ីល Felipe Anderson។
តាមរយៈជ័យជម្នះនេះ បានរុញក្រុម Everton ឡើងទៅវគ្គ៨ក្រុមចុងក្រោយពាន Carabao Cup។ គួរបញ្ជាក់ដែរថា ៣គ្រាប់កាលពីយប់មិញ ជាគ្រាប់ទី៨ហើយរបស់ខ្សែប្រយុទ្ធ Calvert-Lewin នៅរដូវកាល២០២០/២១នេះ គិតរាល់ព្រឹត្តិការណ៍ទាំងអស់ ហើយក៏ជាលើកទី២ដែរ ដែលគេរកបាន Hat-Trick (៣គ្រាប់ក្នុង១ប្រកួត)។
សូមទស្សនាវីដេអូសង្ខេបនៃការប្រកួតខាងក្រោម៖