Aubameyang បានទម្លាយការពិតមួយ ដែលខ្លួនបដិសេដសំណើរបស់ក្រុម Barcelona

​កីឡាករ Pierre-Emerick Aubameyang បាននិយាយថា ខ្លួនបានបដិសេធក្នុងការផ្ទេរទៅកាន់ក្រុមផ្សេងអស់ជាច្រើនផងដែរ ដែលក្នុងនោះក៏មានសំណើពីក្រុម Barcelona ថែមទៀតផង។ លោកបាននិយាយថា លោកសម្រេចចិត្តបដិសេធគឺដោយសារតែមានការបញ្ចុះបញ្ចូលពីគ្រូបង្វឹក Mikel Arteta ក៏ដូចជាទំនាក់ទំនងរបស់លោកជាមួយនឹងអ្នកគាំទ្រផងដែរ។

យោងតាមសារព័ត៌មាន ESPN បានឲ្យដឹងថា កីឡាករ Aubemeyang ទើបចុះកុងត្រារយៈពេលវែងជាមួយក្រុម Arsenal ដោយថ្លៃឈ្នួលរបស់លោកគឺ ២៥០,០០០ ផោនក្នុងមួយសប្តាហ៍។

គួរឱ្យដឹងផងដែរថា កីឡាករវ័យ ៣១ ឆ្នាំដែលផ្ទេរពីក្រុម Borussia Dortmund ទៅកាន់ក្រុម Arsenal កាលពីឆ្នាំ ២០១៨ រូបនេះក៏បានបញ្ជាក់ផងដែរថា រូបគេបានបដិសេធសំណើរបស់ក្រុម Barcelona ក្នុងចំណោមក្រុមផ្សេងៗទៀតដើម្បីនៅលេង Premier League ដដែល៕