សេអ៊ូល៖ ប្រទេសកូរ៉េខាងត្បូងបាននិយាយនៅថ្ងៃសៅរ៍នេះថា ខ្លួននឹងស្នើសុំឱ្យប្រទេសកូរ៉េខាងជើងធ្វើការស៊ើបអង្កេតបន្ថែមទៀត ចំពោះករណីបាញ់សម្លាប់និងដុតកម្ទេចសាកសពមន្ត្រីកូរ៉េខាងត្បូងម្នាក់ ខណៈពេលដែលសាធារណៈជននិងអ្នកនយោបាយកំពុងផ្ទុះការខឹងសម្បា លើការស្លាប់របស់មន្ត្រីកូរ៉េខាងត្បូងរូបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសកម្មភាពដ៏កម្រមួយកាលពីថ្ងៃសុក្រ មេដឹកនាំផ្តាច់ការកូរ៉េខាងជើងលោក គីម ជុងអ៊ុន បានផ្ញើលិខិតមួយច្បាប់ទៅកាន់ប្រធានាធិបតីកូរ៉េខាងត្បូងលោក មូន ជេអ៊ីន ដើម្បីធ្វើការសុំទោសចំពោះកំហុសឆ្គងក្នុងការបាញ់សម្លាប់មន្ត្រីជលផលកូរ៉េខាងត្បូងម្នាក់ ដោយលើកហេតុផលថា ចង់ទប់ស្កាត់មិនឱ្យមានការចម្លងជំងឺកូវីដ១៩ ចូលទឹកដីកូរ៉េខាងជើង។
គួរជម្រាបដែរថា ក្រោយការស្លាប់របស់មន្ត្រីជលផលកូរ៉េខាងត្បូងវ័យ៤៧ឆ្នាំរូបនេះ បានធ្វើឱ្យលោក មូន ជេអ៊ីន ត្រូវរងការរិះគន់ថាគ្មានសមត្ថភាពអាចជួយសង្គ្រោះជីវិតពលរដ្ឋខ្លួន និងហាក់មានភាពទន់ជ្រាយជាមួយប្រទេសកូរ៉េខាងជើង។ បន្ថែមពីនេះ ក្រុមអ្នករិះគន់ក៏បានជម្រុញឱ្យលោក ត្រូវប្រឈមមុខនិងដោះស្រាយករណីបាញ់សម្លាប់មន្ត្រីកូរ៉េខាងត្បូងជាមួយរបបផ្តាច់ការទីក្រុងព្យុងយ៉ាង៕