កៀវ៖ ក្រុមអាជ្ញាធរបានរាយការណ៍ថា យន្តហោះមួយគ្រឿងដែលជញ្ជូនកងកម្លាំងយោធាអ៊ុយក្រែន បានធ្លាក់ផ្ទុះឆេះក្បែរកំណាត់ផ្លូវធំមួយកន្លែងស្ថិតនៅភាគឦសានប្រទេសអ៊ុយក្រែន កាលពីល្ងាចថ្ងៃសុក្រម្សិលមិញនេះ បណ្តាលមនុស្សចំនួន ២២នាក់ ត្រូវស្លាប់បាត់បង់ជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសេចក្តីថ្លែងការណ៍មួយរបស់ក្រុមសេវាសង្គ្រោះបន្ទាន់រដ្ឋអ៊ុយក្រែនបានឱ្យដឹងថា យន្តហោះដឹកយោធាប្រភេទ Antonov An-26 ដែលមានអ្នកដំណើរសរុប ២៧នាក់ បានធ្លាក់នៅចម្ងាយប្រមាណ ២គីឡូម៉ែត្រពីមូលដ្ឋានយោធា។
គួរជម្រាបដែរថា ក្រោយហេតុការណ៍កើតឡើងភ្លាមៗ ក្រុមអ្នកជួយសង្គ្រោះត្រូវបានគេបញ្ជូនទៅកន្លែងកើតហេតុ ដើម្បីចុះជួយអន្តរាគមន៍បាញ់ទឹកពន្លត់ភ្លើង និងតាមស្វែងរកជនរងគ្រោះ។ រហូតមកដល់ពេលនេះ គេនៅមិនទាន់ដឹងច្បាស់ពីមូលហេតុដែលបង្កឱ្យមានគ្រោះថ្នាក់នេះឡើយទេ ខណៈក្រុមមន្ត្រីជំនាញបាននឹងកំពុងបើកការស៊ើបអង្កេត៕
សូមទស្សនាវីដេអូខាងក្រោម៖