អង់គ្លេស៖ ថ្មីៗនេះក្លិបតោខៀវ Chelsea បានប្រកាសជាផ្លូវការនូវកីឡាករចំណូលថ្មីម្នាក់ទៀតហើយគឺអ្នកចាំទី Edouard Mendy ដែលទើបនឹងទិញបានពីក្លិប Rennes របស់ប្រទេសបារាំង។ 

កីឡាករ Edouard Mendy

ហើយខណៈដែលទិញបាន Mendy ក្លិបតោខៀវក៏កំពុងត្រៀមវ៉ៃចេញអ្នកចាំទីម្នាក់វិញផងដែរ ពោលគឺកីឡាករធ្លាក់កូដ Kepa Arrizabalaga ។ ក្នុងនោះដែរបើតាមគេហទំព័រ The Sun បានឲ្យដឹងថា Chelsea អាចនឹងបើកផ្លូវឲ្យក្លិបផ្សេងខ្ចីជើងរូបគេចេញពីទឹកដី Stamford Bridge មួយរដូវកាលពេញ។ លើសពីនេះប្រសិនបើមានក្លិបណាមួយហ៊ានឲ្យដល់តម្លៃ៤០លានផោន (ឬប្រមាណ៥១លានដុល្លារ) Chelsea នឹងលក់ផ្តាច់កុងត្រារបស់គេតែម្តង។

ជាក់ស្តែងហេតុផលមួយដែលលោក Frank Lampard គ្រោងដាក់រូបគេឲ្យក្លិបផ្សេងខ្ចីជើង គឺចង់ឲ្យកីឡាករវ័យ២៥ឆ្នាំរូបនេះខិតខំប្រឹងប្រែងដើម្បីឲ្យមានទម្រង់លេងល្អដូចពីមុនវិញ។ គួរឲ្យដឹងដែរថាក្រៅពី Kepa ក្លិបលោក Lampard ក៏នៅមានអ្នកចាំទីជួរមុខម្នាក់ទៀតផងដែរគឺកីឡាករវ័យ៣៨ឆ្នាំ Willy Caballero ដែលអាចនឹងជំនួសដៃគ្នាជាមួយ Edouard Mendy បាននៅក្នុងការប្រកួតខាងមុខ៕ 

  កីឡាករ Willy Caballero
កីឡាករ Edouard Mendy

ប្រភព​​​៖ sportsmole

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ