តើសំនួរអ្វីដែលកំពុងរងសម្ពាធ និងមិនគួរសួរទៅកាន់មនុស្សជុំវិញខ្លួន?

យល់ដឹង៖ ជាការពិត នៅក្នុងសម័យបច្ចុប្បន្ននេះ ការទំនាក់ទំនងជាមួយនឹងមនុស្សជុំវិញខ្លួនយើងពិតជាសំខាន់ណាស់។ ដូច្នេះមុននឹងនិយាយអ្វីមួយ ឬសួរអ្វីមួយទៅកាន់នរណាម្នាក់ត្រូវពិចារណាឲ្យបានច្បាស់ ព្រោះគ្រប់ពាក្យសម្តីដែលនិយាយចេញមកហើយគឺមិនអាចលេបទៅវិញបានឡើយ។ ពិសេសជៀសវាងមានបញ្ហាដោយសារមាត់ ពាក្យសម្តី និងរងការវាយតម្លៃមិនល្អ ឬគ្មានសីលធម៌ពីមនុស្សជុំវិញខ្លួន។

ខាងក្រោមនេះជាសំនួរទាំង ១០ ដែលអ្នកមិនគួរសួរទៅកាន់មនុស្សជុំវិញខ្លួន ពិសេសមនុស្សទើបនឹងស្គាល់គ្នា៖
១. រាល់ថ្ងៃធ្វើការងារអ្វី? ហើយមានតំណែងអ្វីដែរ? ហើយបានប្រាក់ខែប៉ុន្មានដែរ?

២. ម៉េចបានជាធ្វើការខុសជំនាញដែលបានរៀនអ៊ីចឹង?

៣. មានសង្សារនៅ? មានអ្នកស្រលាញ់នៅ? ហើយពេលណាគិតរឿងរៀបការ?

៤. ឃើញរៀបការយូរហើយ ចុះពេលណាទើបគិតគូររឿងយកកូន?

៥. ឃើញស្រលាញ់គ្នាសឹងអី ហេតុអ្វីបានលែងលះគ្នា?

៦. បច្ចុប្បន្នអាយុប៉ុន្មានហើយ?

៧. ចុម!​ ទម្ងន់ប៉ុន្មាន? ម៉េចឥឡូវនេះស្គមម៉េស? ម៉េចឥឡូវធាត់ជាងមុនអ៊ីចឹង?

៨. ថ្ងៃអនាគតមានគម្រោងចង់ធ្វើអ្វី? ចង់ធ្វើការឲ្យគេរហូត ឬចង់មានមុខរបរផ្ទាល់ខ្លួន?

៩. ផ្ទះនេះបង់រំលោះ ឬទិញដាច់?

១០. សុខភាពរាល់ថ្ងៃម៉េចដែរ? មានជំងឺប្រចាំកាយអ្វីអត់?