អង់គ្លេស៖ ខ្សែប្រយុទ្ធ Pierre-Emerick Aubameyang បាននិយាយថា គេធ្លាប់ពិចារណាចាកចេញពីក្រុមកាំភ្លើងធំ Arsenal ប៉ុន្តែដោយសារតែលោក Mikel Arteta ទើបធ្វើឲ្យរូបគេបន្តកុងត្រាថ្មីនៅទឹកដី Emirates។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមុនពេល សម្រេចកិច្ចព្រមព្រៀងបន្តកុងត្រាថ្មីរយៈពេល៣ឆ្នាំជាមួយ Arsenal ក្លិបយក្សតំបន់កាតាឡាន់ Barcelona ធ្លាប់ដាក់សំណើចង់បាន Aubameyang ខណៈក្លិប Inter Milan ក៏ចង់បានជម្រើសជាតិកាបុងរូបនេះផងដែរ ។
ជាមួយគ្នានេះ ទាង់ទងនឹងការបន្តកុងត្រាថ្មី Aubameyang បានលើកឡើងប្រាប់អ្នកសារព័ត៌មានយ៉ាងដូច្នេះថា៖
មូលហេតុចម្បង២ដែលបញ្ចុះបញ្ចូលខ្ញុំឲ្យបន្តនៅទីនេះ ទី១ គឺលោក Mikel Arteta ពីព្រោះតាំងពីគាត់មកដឹកនាំ គាត់បាននាំយកមកផលវិជ្ជមានជាច្រើន និងទស្សនវិជ្ជាថ្មីសម្រាប់យើង។ មួយវិញទៀតនោះគឺការស្រលាញ់ដែលខ្ញុំទទួលបានពីអ្នកគាំទ្រ និងក្លិបទាំងមូលតែម្ដង។ អ្នករាល់គ្នា បានធ្វើល្អមកកាន់ខ្ញុំ បណ្ដាលឲ្យខ្ញុំមានអារម្មណ៍មួយថាទីនេះជាផ្ទះ ហេតុនេះហើយទើបខ្ញុំនៅបន្ត។
គួររម្លឹកដែរថា ខ្សែប្រយុទ្ធវ័យ៣១ឆ្នាំ ទើបជួយ Arsenal លើកពាន FA Cup រដូវកាលមុន និងពាន Community Shield ដែលជាពានបើករដូវកាល ២០២០/២១។ មិនត្រឹមតែប៉ុណ្ណោះ បើកឆាកក្របខណ្ឌ Premier League ទល់នឹងក្រុម Fulham គេក៏រកបាន១គ្រាប់ផងដែរ ឲ្យក្រុមលោក Arteta ៕
ប្រភព៖ skysports
Bong I.T