បរទេស៖ ខ្សែបម្រើប្រយុទ្ធ Angel Di Maria មិនត្រូវបានលោកគ្រូបង្វឹកជម្រើសជាតិអាហ្សង់ទីនកោះហៅនោះទេ សម្រាប់ការប្រកួតជម្រុះពានរង្វាន់ពិភពលោក FIFA World Cup 2022 នៅប្រទេសកាតា។ ក្នុងនោះអាហ្សង់ទីននឹងត្រូវធ្វើការប្រកួតជាមួយជម្រើសជាតិអេក្វាឌ័រ និងបូលីវី ខែក្រោយនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករ Lionel Messi, Lautaro Martinez និង Paulo Dybala សុទ្ធតែមានឈ្មោះក្នុងបញ្ជីកីឡាកររបស់លោកគ្រូបង្វឹក Lionel Scaloni លើកលែងតែ Di Maria ប៉ុណ្ណោះ។ គួរបញ្ជាក់ដែរថានៅក្នុងរដូវកាល២០១៩/២០ កន្លងមកនេះ Di Maria បង្ហាញទម្រង់លេងបានល្អណាស់ ពោលរូបគេរកបាន១២គ្រាប់និងបោះបាល់ឲ្យមិត្តរួមក្រុមបញ្ចប់ទីបានរហូតដល់ទៅ២៣លើកឯណោះ។
នៅក្នុងកិច្ចសម្ភាសន៍មួយកាលពីពេលថ្មីៗនេះ Di Maria បានបង្ហាញការខកចិត្តជាខ្លាំងថា៖
ខ្ញុំគ្មានពាក្យអ្វីដែលត្រូវនិយាយនោះទេ ការជាប់ឈ្មោះលេងឲ្យជម្រើសជាតិអាហ្សង់ទីនជារឿងសំខាន់ណាស់សម្រាប់ខ្ញុំ។ ការខិតខំប្រឹងប្រែងយ៉ាងខ្លាំងនៅក្នុងក្លិប Paris Saint-Germain ក៏ព្រោះតែខ្ញុំចង់មានតំណែងមួយលេងឲ្យជម្រើសជាតិ ប៉ុន្តែអ្វីៗគឺខុសពីការគិតទាំងស្រុង។ បើទោះបីជាខ្ញុំមានវ័យ៣២ឆ្នាំទៅហើយក្ដី ប៉ុន្តែខ្ញុំនៅតែមានអារម្មណ៍ថានៅតែអាចលេងបានក្នុងកម្រិតមួយប្រហាក់ប្រហែលទៅនឹងកីឡាករ Neymar ឬ Mabappe ដែរ។ យ៉ាងណាមិញខ្ញុំនឹងខិតខំបន្ថែមទៀត ដើម្បីឲ្យបានជាប់ឈ្មោះលេងឲ្យជម្រើសជាតិអាហ្សង់ទីនក្នុងការប្រកួតក្រោយៗទៀត៕
ប្រភព៖ goal
Bong I.T