មើលទៅកក់ក្តៅណាស់ ខណៈជិតសម្រាល អេនជី ផ្អែមល្ហែមជាមួយកូនក្នុងផ្ទៃ និងស្វាមី

ភ្នំពេញ៖ បន្ទាប់ពីរៀបការមានស្វាមីរួចមក ឃើញថា អតីតតារាចម្រៀងស្រី អ្នកនាង អែនជី កាន់តែមានក្ដីសុខ ដែលត្រូវហ្វេនៗជាច្រើន កំពុងតែចាប់អារម្មណ៍ខ្លាំងជាមួយនឹងជីវិតប្រចាំថ្ងៃរបស់នាង ដែលខណៈពេលនេះ នាងកំពុងតែពរពោះ ជិតសម្រាលកូន ដែលជារឿងដ៏ល្អសម្រាប់ប្ដីប្រពន្ធរបស់នាង ក្នុងការត្រៀមខ្លួនទទួលសមាជិកថ្មី។ 

មិនត្រឹមតែប៉ុណ្ណោះ  កាលពីមុននេះបន្តិច អំឡុងពេលជិតសម្រាលកូនបែបនេះ អ្នកនាង អែនជី បានបង្ហោះរូបភាពប៉ុន្មានសន្លឹកជាមួយនឹងស្វាមីរបស់ខ្លួន បង្ហាញពីភាពស្និទ្ធិស្នាល ពោរពេញដោយស្នាមញញឹមនិងសុភមង្គល ក្នុងពេលដែលជិតបានឃើញមុខកូនរបស់ខ្លួន នាពេលខាងមុខនេះ។ 

ម៉្យាងវិញទៀត នៅក្នុងការបង្ហោះរូបភាពប៉ុន្មានសន្លឹកនេះ អ្នកនាង អែនជី ក៏បានបើកបង្ហាញឲ្យឃើញពីពោះយ៉ាងច្បាស់ៗ នៅលើបណ្ដាញសង្គម ឲ្យហ្វេនៗជាច្រើនបានទស្សនា ដែលធ្វើឲ្យពួកគេ កាន់តែរំភើបជំនួស និងកាន់តែចង់ឃើញមុខមាត់កូនអ្នកទាំងពីរ ក្នុងពេលឆាប់ៗនេះ៕ 

សូមទស្សនារូបភាពខាងក្រោម៖