អូស្ត្រាលី៖ ក្រុមមន្ត្រីនិយាយថា ត្រីបាឡែនប្រហែល៣៨០ក្បាលបានស្លាប់ ដោយសារតែការកឿងលើឆ្នេរសមុទ្រអូស្ត្រាលី ហើយគេជឿថា វាអាចជាកំណត់ត្រាដ៏ច្រើនបំផុតផងដែរ។ ចាប់តាំងពីថ្ងៃចន្ទមក ត្រីបាឡែនរាប់រយក្បាលត្រូវបានគេរកឃើញនៅឆ្នេរសមុទ្រភាគខាងលិច នៃរដ្ឋ Tasmania។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមអ្នកជួយសង្គ្រោះបានប្រឹងប្រែងសង្គ្រោះត្រីចំនួន៥០ក្បាល នៅល្ងាចថ្ងៃពុធ ហើយពួកគេកំពុងព្យាយាមជួយត្រីបាឡែនប្រមាណ៣០ក្បាលដែលនៅសល់។ មន្ត្រីរដ្ឋាភិបាល Tasmania បាននិយាយថា កិច្ចខិតខំប្រឹងប្រែងជួយសង្គ្រោះនឹងបន្ត ដរាបណាមានសត្វមានជីវិត។
ពេលនេះ គេបានផ្ដោតលើការប្រមូលសាកសពរបស់ត្រីចំនួនរាប់រយ ដែលរាយប៉ាយតាមបណ្ដោយឆ្នេរសមុទ្រ។ ផែនការបោសសម្អាតនៅតែត្រូវបានគេអនុវត្ត ដោយកាលពីមុន សាកសពត្រូវបានគេបញ្ចុះលើឆ្នេរសមុទ្រតែម្ដង ឬក៏អូសចេញ។
គេមិនទាន់ដឹងច្បាស់ពីមូលហេតុ ដែលបណ្ដាលឲ្យត្រីទាំងនេះ ជាប់កឿងនៅលើឆ្នេរសមុទ្រនៅឡើយទេ។ ពូជត្រីទាំងនេះត្រូវបានគេដឹងថា ងាយនឹងជាប់កឿងនៅលើឆ្នេរសមុទ្រខ្លាំងណាស់។ ការជាប់កឿងចំនួនត្រីដ៏ច្រើនលើកនេះបានបំបែកកំណត់ត្រាចាស់ ចំនួន៣២០ក្បាល នៅភាគខាងលិចប្រទេសអូស្ត្រាលី កាលពីឆ្នាំ១៩៩៦៕