ភ្នំពេញ៖ ក្រោយពីភាពជោគជ័យទៅលើអាជីពជាតារាម៉ូដែលអស់រយៈពេល ៦ឆ្នាំរួចមក ថ្មីៗនេះកញ្ញា ហង្ស សូរិយ៉ាន់ បានលេចមុខថ្មីក្នុងនាមជាតារាសម្តែងនៅក្នុងខ្សែភាពយន្តភាគខ្មែរមួយកំពុងចាក់បញ្ចាំងនៅលើកញ្ចក់ទូរទស្សន៍ Hangmeas HDTV ដែលមានចំណងជើងថា «ប្រពន្ធ»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភាពយន្តមួយនេះ គឺជាការសម្តែងលើកទី២ ហើយក្រោយពីអតីតបេក្ខភាព Top 4 Cambodia Next Top Model រូបនេះ បានសម្តែងជាតួឯកស្រីក្នុងរឿង «ផ្កាស្លា» ដែលបានចាក់បញ្ចាំងដោយស្ថានីយទូរទស្សន៍ CTN។
តាមរយៈការប្រឡូកចូលអាជីពជាតារាម្តែងភាពយន្តផ្ទួនៗគ្នានេះ ត្រូវបានមហាជនមួយចំនួនបានលើកឡើងថា សូរិយ៉ាន់ ពិតជាសក្តិសមណាស់ក្នុងការសម្តែងជាតួអង្គស្រីដែលមានអត្តចរិតសុភាព ស្លូតបូត និងថ្លៃថ្នូរបែបមនុស្សស្រីដែលមានចំណេះដឹងខ្ពស់ខ្ពស់ ព្រោះយោងទៅតាមរាងរូវ និងរូបសម្រស់របស់កញ្ញា ពិតជាស្រស់ស្អាតអំណោយផលពីធម្មជាតិពិតៗតែម្តង៕
សូមទស្សនារូបភាពខាងក្រោម៖