គ្នាយើងមួយចំនួន ពិសេសស្រីៗអាចថាកំពុងជួបបញ្ហាស្បែកមុខឡើងខ្មៅស្រអាប់ដោយសារត្រូវពន្លឺថ្ងៃខ្លាំងពេក។ អ្នកជួបបញ្ហាបែបនេះ មានខ្លះបានប្រើប្រាស់គ្រឿងសំអាងមួយចំនួនដែលមានតម្លៃថ្លៃៗ ដើម្បីបំបាត់ស្នាមទាំងនេះ។ ទោះយ៉ាងណា ក្រៅពីគ្រឿងសំអាង យើងក៏មានគ្រឿងផ្សំក្នុងផ្ទះបាយមួយចំនួនអាចជួយកម្ចាត់ស្នាមស្រអាប់នេះបានដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ប៉េងប៉ោះ
ស្រីៗយើងអាចសាកយកជាតិរម្អិលក្នុងផ្លែប៉ែងប៉ោះជាប់មានទាំងគ្រាប់ផងនោះទៅលាបលើមុខរបស់យើងឲ្យបាន១០នាទី នោះវានឹងជួយកម្ចាត់ស្នាមខ្មៅស្រអាប់នៅលើមុខយើងបាន។ ជាតិអាស៊ីដធម្មជាតិស្រាលនៅក្នុងផ្លែប៉េងប៉ោះនឹងជួយកម្ចាត់កោសិកាស្បែកងាប់នៅលើមុខ ហើយនឹងជួយបង្កើតឡើងវិញនូវភាពភ្លឺរលោងរបស់ស្បែក ដែលពីមុនបានបំផ្លាញដោយពន្លឺព្រះអាទិត្យ។
២. ដំឡូងបារាំង
ដំឡូងបារាំងមានផ្ទុកអង់ហ្ស៊ីមម្យ៉ាងហៅថា Catecholase ដែលជួយធ្វើឲ្យពណ៌ស្បែក និងស្នាមខ្មៅលើស្បែកមានសភាពភ្លឺថ្លាឡើងវិញ។ បន្ថែមពីនេះដំឡូងបារាំងក៏មានផ្ទុកនូវសារធាតុប្រឆាំងអុកស៊ីតកម្ម ដែលជួយស្បែកប្រឆាំងនឹងការខូចខាតផ្សេងៗ បង្កដោយពពួករ៉ាឌីកាល់សេរី ព្រោះត្រូវនឹងពន្លឺព្រះអាទិត្យខ្លាំងពេក។
ដូចនេះ ស្រីៗយើងអាចយកសាច់ដំឡូងមកម៉ាស្សាលើមុខ ឬលាបលើមុខថ្នមៗ នោះយើងនឹងឃើញលទ្ធផលក៏គួរឲ្យភ្ញាក់ផ្អើលមិនខាន។
៣. ផ្លែល្ហុងទុំ
ផ្លែល្ហុងទុំមានផ្ទុកអង់ហ្ស៊ីមម្យ៉ាងហៅថា papain ដែលអាចជួយឲ្យស្បែកភ្លឺ ជួយកម្ចាត់ស្នាមស្រអាប់នៅលើស្បែក និងជួយកាត់បន្ថយស្នាមនៅលើផ្ទៃមុខផងដែរ។ អង់ហ្ស៊ីមមួយចំនួនមាននៅក្នុងផ្លែល្ហុងក៏ជួយដល់ការបង្កើតស្បែកថ្មី ជម្រុះស្បែកងាប់ និងជួយឲ្យស្បែកមានជាតិទឹក និងសំណើម។ ដូចនេះស្រីៗយើងអាចសាកយកសាច់ល្ហុងមកម៉ាស្សាលើមុខ ដើម្បីជួយកម្ចាត់ស្នាមស្រអាប់លើស្បែកនេះបាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T