ថៃ៖ សមត្ថកិច្ចថៃបានដកហូតថ្នាំញៀនប្រភេទមេតំហ្វេតាមីនចំនួនជាង ២ លានគ្រាប់ក្នុងពេលឆែកឆេររថយន្តដឹកទំនិញដែលគេទុកចោលនៅក្នុងស្ថានីយ៍ប្រេងឥន្ធនៈមួយកន្លែងក្នុងស្រុកបាងសាផាន់ណយ។

ការរឹបអូសនេះត្រូវបានធ្វើឡើងបន្ទាប់ពីប៉ូលីសប្រចាំនៅបាងសាផាន់ណយ ទទួលបានដំណឹងពីការិយាល័យប្រឆាំងគ្រឿងញៀនទី ២ (NSB) ថាមានរថយន្តម៉ាកភីកអាប់មួយគ្រឿងដែលសង្ស័យថា បានចែកចាយថ្នាំញៀនមួយចំនួនកំពុងឆ្លងកាត់ស្រុកបាងសាផាន់ណយដោយធ្វើដំណើរឆ្ពោះទៅភាគខាងត្បូង។

ជាក់ស្តែង នៅយប់ថ្ងៃអង្គារក្រុមប៉ូលីសដែលដឹកនាំដោយលោកវរសេនីយ៍ទោ Ekarat Hoonngam អនុប្រធានប៉ូលីសស្រុកបាងសាផាន់ណយបានប្រទះឃើញរថយន្ដម៉ាកភីកអាប់ដែលត្រូវដូចនឹងការផ្ដល់ដំណឹងដែលបានផ្តល់ដោយ NSB ។ រថយន្តមួយគ្រឿងនេះបានបត់ឆ្វេងទៅស្ថានីយ៍ប្រេងឥន្ធនៈមួយកន្លែងក្នុងសង្កាត់ចាងរែក។

ថ្នាំញៀនប្រភេទមេតំហ្វេតាមីនដែលរឹបអូសបាន

ជាការកត់សម្គាល់ ប៉ូលីសបានតាមដានមុខសញ្ញារហូតដល់ស្ថានីយ៍ប្រេងឥន្ធនៈ ហើយបានរកឃើញរថយន្តនៅក្នុងចំណត ប៉ុន្តែមិនមាននរណាម្នាក់នៅក្នុងនោះទេ។ អ្នកបើកបរត្រូវបានគេជឿជាក់ថា បានរត់គេចខ្លួនដោយបន្សល់ទុកនូវកេសប្រអប់ក្រដាសកាតុងមួយចំនួននៅខាងក្រោយរថយន្ត។

ក្នុងការស្រាវជ្រាវជាបន្តបន្ទាប់ប៉ូលីសបានរកឃើញថ្នាំញៀនប្រភេទមេតំហ្វេតាមីនសរុបចំនួន ២,០០២,០០០ គ្រាប់នៅក្នុងប្រអប់។ ជាងនេះទៀត សៀវភៅប្រាក់បញ្ញើនៅធនាគារមួយ អត្តសញ្ញាណប័ណ្ណពីរ និងឯកសារមួយចំនួនទៀតក៏ត្រូវបានរកឃើញនៅក្នុងរថយន្តផងដែរ។

គួរបញ្ជាក់ផងដែរថា ថ្នាំញៀន និងឯកសារដែលបានដកហូតត្រូវបានប្រគល់ជូន NSB ដើម្បីពិនិត្យ៕

ថ្នាំញៀនប្រភេទមេតំហ្វេតាមីន

ប្រភព៖ Bangkok Post

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ