ចិន៖ យោងតាមគេហទំព័រ Sohu បានរាយការណ៍ថា រូបភាពក្រោយឆាក នៃខ្សែភាពយន្តថ្មីមួយដែលមានចំណងជើងថា «Happiness To Every Home» របស់តារាសម្តែងល្បី Zhao Liying ត្រូវបានចែកចាយជាមួយឈុតឃោសនាដំបូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះផងដែរ រូបភាពដែលតែងខ្លួន «នារីស្រុកស្រែ» របស់ភរិយារបស់ Feng Shaofeng បានទទួលការចាប់អារម្មណ៍យ៉ាងខ្លាំង ពីសំណាក់មហាជន និងបានចែករំលែកតៗគ្នា និងបានបង្ហោះ ថែមទាំងទទួលបានមតិយោបល់កោតសរសើរជាច្រើនពីសម្រស់របស់នាង ដែលតុបតែងបែបនេះ ដូចក្មេងស្រីទើបតែពេលវ័យ។
តាមរយៈ ភាពស្រស់ស្អាតរបស់ អ្នកម៉ាក់កូនមួយរូបនេះ ស្រាប់តែ បណ្តាលឲ្យអ្នកគាំទ្រមួយចំនួន បានបង្ហោះរូបភាពមួយសន្លឹក យកមកប្រៀបធៀប របស់តារាស្រីរូបនេះ កាលពី១៤ឆ្នាំមុន ដែលនៅពេលនោះនាងក៏បានផ្លាស់ប្តូរទៅជាក្មេងស្រីជនបទដោយចងសក់ទាំងសងខាងហើយពាក់អាវផ្កាពណ៌លឿងដែលស្រដៀងនឹងគេបានចែកចាយផងដែរ។
យ៉ាងណាមិញតាមរយៈរូបភាពនោះគឺ រយៈពេល១៨ឆ្នាំមកនេះ ពិតជាមានភាពភ្ញាក់ផ្អើលជាមួយនឹងសម្រស់ស្រស់ស្អាត និងមុខមាត់របស់តារារូបនេះ មិនមានការប្រែប្រួល ខុសប្លែកពីពេលបុច្ចុប្បន្ន ប៉ុន្មាននោះទេ អ្វីដែលកត់សម្គាល់នោះ មិនថាទម្រង់មុខ ឬក៏សាច់មុខនោះទេ នៅតែដូចដើមតែម្តង៕
សូមទស្សនារូបខាងក្រោម៖