អង់គ្លេស៖ អ្នកចាំទីវ័យក្មេង Dean Henderson បានបង្ហាញខ្លួនក្នុងក្រុមឈុតធំរបស់ ក្រុមបិសាចក្រហម Manchester United ជាលើកដំបូង កាលពីយប់មិញនេះ ក្នុងការប្រកួតពានរង្វាន់ Carabao Cup ឬ League Cup ជុំទី៣ ទល់នឹងក្រុមមកពីលីគលំដាប់ទី២ Luton Town។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងប្រកួតដំបូង Henderson បានបង្ហាញទម្រង់លេងយ៉ាងល្អ ជួយរក្សាសំណាញ់ទីក្រុម Man UTD មិនឲ្យរបូតគ្រាប់បាល់នោះទេ ជាលទ្ធផលកាលពីយប់មិញ ក្រុមលោក Ole Gunnar Solskjaer បានយកឈ្នះក្រុម Luton ៣ទល់នឹង០។
៣គ្រាប់របស់ Man UTD រកបានដោយកីឡាករ៣រូបផ្សេងគ្នា ក្នុងនោះគ្រាប់ទី១ ជាការទាត់បាល់ពិន័យ១១ម៉ែត្ររបស់ខ្សែបម្រើចាស់វស្សា Jaun Mata ខណៈគ្រាប់ទី២ រកបានដោយខ្សែប្រយុទ្ធ Marcus Rashford ក្រោមការបញ្ជូនពីសិស្សប្អូន Mason Greenwood ចំណែកឯគ្រាប់ទី៣ កើតចេញពីជើង Greenwood ដដែលដោយការញាក់ខ្សែការពារស៊ុតបញ្ចូលទីយ៉ាងអស្ចារ្យ។
គួរឲ្យដឹងដែរថា ជំនួប១១ប្រកួតចុងក្រោយទល់នឹងក្រុម Luton ក្រុម Man UTD មិនដែលស្គាល់ពាក្យថាចាញ់នោះទេ ពោលគឺឈ្នះ៩ដង និង ស្មើ២ដង៕
បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោម៖