ក្ដៅៗ! Inter យកបានកីឡាករវ័យចំណាស់របស់ Barcelona រូបនេះ ជាផ្លូវការហើយ

អ៊ីតាលី៖ ក្លិប Inter Milan បានធ្វើការប្រកាសផ្ទេរយកកីឡាករ Arturo Vidal ពីក្លិប Barcelona ជាផ្លូវការ នៅលើគណនី Twitter របស់ខ្លួនមុននេះបន្តិច។ យ៉ាងណាមិញ ក្លិបយក្សអ៊ីតាលីមិនបានបង្ហើបប្រាប់ពីការចំណាយទៅលើការផ្ទេរខ្សែបម្រើវ័យ៣៣ឆ្នាំនោះទេ។

ដោយឡែកបើតាមការបញ្ជាក់របស់ក្លិប Barcelona គឺ Vidal ចាកចេញដោយគ្មានតម្លៃខ្លួន ប៉ុន្តែមានលក្ខខណ្ឌពិសេសមួយ ប្រសិនបើជម្រើសជាតិឈីលីបង្ហាញទម្រង់លេងបានល្អ ត្រូវតាមគោលដៅណាមួយរបស់ Inter នោះក្លិបដែលដឹកនាំដោយលោកគ្រូបង្វឹក Antonio Conte ត្រូវបង់មកឲ្យ Barca ចំនួន១លានអឺរ៉ូ (ឬប្រមាណ ១,១លានដុល្លារ)។

គួររម្លឹកដែរថា នេះជាលើកទី២ហើយ ដែល Vidal ត្រឡប់ទៅរួមការងារជាមួយលោក Conte ពោលអ្នកទាំងពីរ ធ្លាប់ចំណាយពេលរួមគ្នា នៅក្លិបសេះបង្កង់ Juventus ចន្លោះពីឆ្នាំ២០១១ ដល់ ២០១៤៕

ប្រភព៖ sempreinter