យល់ដឹង៖ ក្រោកពីព្រលឹមបើកទូរស័ព្ទ មើលInstagram បន្ទាប់មកក៏បើក មើលព័ត៌មានផ្សេងៗ ពីក្នុងFacebook សកម្មភាពទាំងនេះ វាបានក្លាយទៅជា ទម្លាប់ប្រចាំថ្ងៃ របស់ មនុស្សភាគច្រើន ទៅហើយមិនមែនតែ ក្មេងៗនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សព្រោះតែបច្ចុប្បន្ន ជាសម័យនៃបច្ចេកវិទ្យា ហេតុដូច្នេះហើយ ទើបបានជាធ្វើឲ្យ បណ្តាញសង្គមជាច្រើន ដូចជាFacebook Instagram និងTwitter... ក្លាយទៅជាកាន់តែល្បីឡើងៗ។ ព្រោះមានមនុស្សកាន់តែ ច្រើនឡើងៗ បានងាកមក ចាប់អារម្មណ៍ ប្រើប្រាស់បណ្តាញសង្គមទាំងអស់នេះ ដើម្បីជាជំនួយជួយដល់ ក្នុងការទាក់ទង ចែករំលែក និងទទួលព័ត៌មាន ស្វែងរកមិត្តភក្តិ ជាដើម។ល។
ដោយឡែក នៅក្នុងនោះដែរ ក៏មានអ្នកនិយម លេងបណ្តាញសង្គមជាច្រើន មានភាពឈ្លាសវៃ ចេះទាញយកផលប្រយោជន៍ ពីលើបណ្តាញសង្គម ទាំងអស់នោះ។ តែជាមួយគ្នានោះ ក៏មានមនុស្សមួយចំនួនផ្សេងទៀត បាននឹងកំពុងតែ បណ្តោយខ្លួនឯង ឲ្យកាន់តែក្រទៅៗ ជារៀងរាល់ថ្ងៃ ព្រោះតែឥទ្ធិពល នៃការប្រើប្រាស់បណ្តាញសង្គម ទាំងអស់នោះ ដោយមិនដឹងខ្លួនផងដែរ។
១. ទាក់ទាញចំណងអាហារ
តើអ្នកជាមនុស្សដែលចូលចិត្តញុំាមែនទេ? ជាក់ស្តែង នៅពេលដែលគណនីរបស់អ្នក ចូលចិត្តតាមដាន នៅការធ្វើម្ហូប ហាងអាហារ មុខម្ហូប នោះប្រព័ន្ធផ្សព្វផ្សាយសង្គម នឹងកាន់តែធ្វើឲ្យអ្នកងាយស្រួល ក្នុងការស្វែងរកកន្លែងទទួលទាន ឬហាងអាហារទាំងនោះ ដោយវានឹងធ្វើការបន្ថែម នៅព័ត៌មានក៏ដូចជា ការផ្សព្វផ្សាយទាំងឡាយណា ដែលទាក់ទងនឹងអាហារ នៅលើគណនីរបស់អ្នកកាន់តែច្រើន។ ដូច្នេះហើយ នៅពេលដែលឃើញទំនង អ្នកក៏ចង់សាក បន្ថែមនៅភាព កាន់តែងាយស្រួលទៀតនោះគឺ អ្នកគ្រាន់តែចូលទៅ ក្នុងបណ្តាញសង្គម វាយបញ្ចូលពាក្យគន្លឹះពីរបីនោះ អ្នកនឹងមានជម្រើសហាងអាហារ រួមទាំងទីតាំង ជាច្រើន ជាមួយនឹងរូបភាពភ្លឺច្បាស់ ថែមទៀត។
២. អូសទាញអ្នកឲ្យចង់ទិញ៖
នៅលើបណ្តាញសង្គម មានអាជីវកម្មកាន់តែច្រើន កាន់តែសម្បូរបែប និងកាន់តែងាយស្រួល។ ជំនួសឱ្យការទៅហាង ឬគេហទំព័រ ដែលគួរឱ្យធុញទ្រាន់ ដើម្បីមើលរូបភាព នៃទំនិញថ្មីៗទាំងនោះ។ បច្ចុប្បន្ននេះ អ្នកអាចរក្សាព័ត៌មានថ្មីៗ និងចូលទៅកាម្ម៉ង់ទិញ នៅទំនិញដែលអ្នកចូលចិត្តបាន កាន់តែរហ័សនឹង ងាយស្រួលដោយគ្រាន់តែ បើកបណ្តាញសង្គម។ មិនតែប៉ុណ្ណោះ ពួកគេមានយុទ្ធសាស្រ្ត ក្នុងការផ្សព្វផ្សាយផលិតផល ឬទំនិញរបស់ខ្លួន ដើម្បីទាក់ចិត្តអ្នកទិញ ឲ្យឃើញហើយចង់ទិញតែម្តង។ ទោះបីពេលខ្លះ អ្នកមិនត្រូវការទិញ តែដោយសារតែ ភាពទាក់ទាញនៃការផ្សព្វផ្សាយ ក៏អាចអូសទាញចិត្តអ្នក ឲ្យចូលទៅកម្មង់ទិញទំនិញទាំងនោះ ដោយមិនដឹងខ្លួនផងដែរ។
៣. អូសទាញអ្នកឲ្យរៀងគម្រោងដើរកម្សាន្ត៖
នៅលើបណ្តាញសង្គម ជាកន្លែងមួយដែល មនុស្សជាច្រើន ធ្វើការចែករំលែក នៅរូបភាព និងទីកន្លែងកម្សាន្តស្អាតៗ ដែលពួកគេបានទៅដល់ ទៅកាន់មិត្តភក្តិដទៃទៀត។ មិនតែប៉ុណ្ណោះ ក៏មាននៅរីសត កន្លែងបោះតង់ រមណីយដ្ឋាន ជាច្រើន បានកែប្រែយុទ្ធសាស្ត្រ នៃការផ្សព្វផ្សាយរបស់ខ្លួន មកនៅលើបណ្តាញសង្គមវិញ ដោយការបង្ហោះពី ទេសភាពស្អាតៗ ភាពច្នៃប្រឌីតថ្មីប្លែក នៃកន្លែងរបស់ខ្លួន រួមនឹងការប្រម៉ូសិន បញ្ចុះតម្លៃ ក្នុងការស្នាក់នៅផ្សេងៗ ជាហេតុដែលអាចអូសទាញ ឲ្យមនុស្សជាច្រើន បបួលមិត្តភក្តិ បងប្អូន ទៅចង់ស្គាល់ និង ដើរកម្សាន្តនៅតាមកន្លែង ទាំងនោះផងដែរ។
៤. ធ្វើឲ្យអ្នកគិតច្រើន៖
នៅពេលដែល អ្នកលេងបណ្តាញសង្គម ហើយបង្ហោះរូបភាព របស់ខ្លួនចេញទៅ រាល់មនុស្សម្នាក់ៗ តែងតែចង់ឲ្យខ្លួនឯង មើលទៅល្អឥតខ្ចោះ។ តែពេលខ្លះ អ្នកក៏ស្រាប់តែមានអារម្មណ៍ គិតច្រើនចាប់ផ្តើម ប្រៀបធៀបពី ការតុបតែរបស់ខ្លួនឯង និងអ្នកដទៃផ្សេងទៀត នៅក្នុងបណ្តាញសង្គម ចាប់ផ្តើមកែប្រែ ទិញសម្លៀកបំពាក់ថ្មីញឹកញាប់ ព្រោះខ្លាចមិត្ត ក្នុងបណ្តាញសង្គមយល់ថា អ្នកមានសម្លៀកបំពាក់ តែមួយសម្រាប់ ទើបឃើញបង្ហោះពាក់តែ សម្លៀកបំពាក់នោះ។ ដូច្នេះហើយ អ្នកក៏ចាប់ផ្តើមមាន ការចាញលុយខ្ជះខ្ជាយ លើសម្ភារៈដែលមិនចាំបាច់ គឺគ្រាន់ចង់បាន រូបភាពបង្ហោះបង្ហាញទៅ កាន់អ្នកដទៃទៀត នៅលើបណ្តាញសង្គម តែប៉ុណ្ណោះ៕
ប្រភព៖ eva.vn
Bong I.T