Podence បោះប្រឡោះជើង De Bruyne លើកឲ្យ Jimenez តែតស្អាតណាស់ប៉ុន្តែ Wolves បានត្រឹមចាញ់ Man City ១-៣ (មានវីដេអូ)

អង់គ្លេស៖​ ក្លិប Wolverhampton Wanderers ត្រូវបាត់បង់៣ពិន្ទុក្នុងដី ក្រោយចាញ់ក្លិបអ្នកមាន Manchester City ដោយលទ្ធផល១ទល់នឹង៣ កាលពីយប់មិញនេះ។ គួរឲ្យដឹងដែរថា Man City ទើបតែលេងបានមួយប្រកួតប៉ុណ្ណោះនៅក្នុងក្របខ័ណ្ឌ Premier League រដូវកាលថ្មីនេះ ចំណែកឯ Wolves លេងបាន២ប្រកួតទៅហើយ ដោយប្រកួតទីមួយបានយកឈ្នះក្លិប Southampton ដោយលទ្ធផល២ទល់នឹង០។

ដោយឡែកសម្រាប់នៅក្នុងការប្រកួតយប់មិញនេះក្លិប Manchester City ធ្វើបានល្អណាស់នៅក្នុងតង់ទី១ ពោលអាចរកបាន២គ្រាប់នាំមុខមុន។ ក្នុងនោះគ្រាប់ទី១រកបានដោយការស៊ុតប៉េណាល់ទីរបស់តារាឆ្នើម Kevin de Bruyne និងមួយគ្រាប់ទៀតរកបានដោយកីឡាករវ័យក្មេង Phil Foden ។ 

ចូលដល់តង់ទី២ Wolves ក៏មានឱកាសតាមបានមួយគ្រាប់មកវិញ ដោយការតែតបញ្ចូលទីដោយកីឡាករខ្សែប្រយុទ្ធ Raul Jimenez ក្រោមការលើកបាល់ពីសំណាក់កីឡាករ Daniel Podence បន្ទាប់ពីបោះបាល់ប្រឡោះជើង De Bruyne យ៉ាងស្អាត។ យ៉ាងណាមិញនៅចុងតង់ទី២ ក្លិបលោក Pep Guardiola ធានាបាន៣ពិន្ទុក្រោយកីឡាករ Gabriel Jesus ស៊ុតបានគ្រាប់ទី៣ឲ្យ Man City យកឈ្នះ Wolves ដោយលទ្ធផល៣ទល់នឹង០៕ 

ប្រភព៖ bbc