៣៨ឆ្នាំហើយនៅតែខ្លាំង! ខ្លាចាស់ Zlatan រកបាន២គ្រាប់ម្នាក់ឯងជួយឲ្យ AC Milan យកឈ្នះ Bologna ២-០ (មានវីដេអូ)

អ៊ីតលី៖ នៅក្នុងការប្រកួតបើកឆាករដូវកាលថ្មីលីគកំពូល Serie A យប់មិញនេះក្លិប AC Milan ទទួលបាន៣ពិន្ទុដ៏មានសារៈសំខាន់ ក្រោយយកឈ្នះក្លិប Bologna ក្នុងដីដោយលទ្ធផល២ទល់នឹង០។ 

ខ្សែប្រយុទ្ធវ័យ៣៨ឆ្នាំ Zlatan Ibrahimovic ជាអ្នករកបានទាំង២គ្រាប់ឲ្យ AC Milan ពោលរូបគេតែតបញ្ចូលទីគ្រាប់ទី១នៅនាទីទី៣៥ និងមួយគ្រាប់ទៀតរកបានដោយការស៊ុតបាល់ប៉េណាល់ទីនៅនាទីទី៥១។ គួឲ្យដឹងដែរថា Zlatan រកបានពីរគ្រាប់ក្នុងមួយប្រកួត​ ចំនួន៣លើកមកហើយ នៅក្នុងការបង្ហាញខ្លួន៥ប្រកួតចុងក្រោយរបស់គេនៅ Serie A ៕

ប្រភព៖ bbc