បរទេស៖ បើតាមគេហទំព័រ Foot Mercato បានឲ្យដឹងថាក្លិប Manchester City បានយល់ព្រមលក្ខខណ្ឌផ្ទាល់ខ្លួនជាមួយខ្សែការពារឆ្នើមម្នាក់របស់ក្លិប Sevilla គឺកីឡាករ Jules Kounde ក្នុងការនាំយករូបគេមកលេងនៅ Premier League រដូវកាលថ្មីនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងលក្ខខណ្ឌនោះដែរ Kounde យល់ព្រមចុះកិច្ចសន្យាចំនួន៥ឆ្នាំជាមួយក្លិបលោក Pep Guardiola មួយនេះ។ ប៉ុន្តែរវាងក្លិប Sevilla និង Man City មិនទាន់ត្រូវរូវគ្នាជាមួយតម្លៃខ្លួនកីឡាករវ័យ២១ឆ្នាំរូបនេះនៅឡើយទេ។
ហើយបើតាមរបាយការណ៍បានបន្ថែមទៀតថាក្លិប Sevilla ទាមទារតម្លៃខ្លួនកីឡាករសញ្ជាតិបារាំងរូបនេះដល់ទៅ៦៤លានផោនឯណោះ (ឬប្រមាណ៨២លានដុល្លារ) ប៉ុន្តែក្លិប Man City សុំចុះនៅត្រឹម៥៤លានផោន (ឬ៦៩លានដុល្លារ)។ ដោយឡែកសម្រាប់ការសម្រេចចុងក្រោយនៅត្រូវធ្វើឡើងនៅពេលដ៏ខ្លីខាងមុខនេះ។
គួរឲ្យដឹងដែរថា Jules Kounde ជាតួសំខាន់ម្នាក់ដែលជួយឲ្យក្លិប Sevilla លើកពាន Europa League រដូវកាល ២០១៩/២០ កន្លងមកនេះ។ លើសពីនេះរូបគេក៏ជាចំណាប់អារម្មណ៍របស់ក្លិប Real Madrid និង Barcelona ផងដែរ ក្រោយផ្លាស់ចេញពីក្លិប Bordeaux មកចូលរួមជាមួយ Sevilla កាលពីរដូវក្ដៅមុន៕
ប្រភព៖ thesun