Mike បង្ហោះសារយ៉ាងឈឺចិត្ត ក្រោយលឺកូនថា ត្រូវឪពុកទាត់ចោល

ថៃ៖ កាន់តែក្លាយទៅជារឿងរ៉ាវ ដែលត្រូវហ្វេនៗជាច្រើនកំពុងតែតាមដាន ពីបញ្ហារបស់ តារាសម្ដែងប្រុស លោក Mike Pirat និង អតីតគូស្នេហ៍ នាង Sara អំពីសិទ្ធិចិញ្ចឹមកូន ដែលមិនទាន់ចប់ស្រួលបួលផង ក៏មានរឿងថ្មីមួយទៀត ក្នុងពេលដែល កូនប្រុសអ្នកទាំងពីរ បាននិយាយតបត ខមិនរបស់មហាជននៅក្នុងការផ្សាយផ្ទាល់លើបណ្ដាញសង្គម ដោយបានឆ្លើយថា «ប្រសិនបើឪពុក ពិតជាស្រលាញ់មែន ហេតុអ្វីបានទាត់ចេញពីខុនដូ?» ។

ដោយឡែក ហេតុការណ៍នេះ បានធ្វើឲ្យមនុស្សជាច្រើន មានការព្រួយបារម្ភអំពីអារម្មណ៍របស់ Mike យ៉ាងខ្លាំង ព្រោះ លោកក៏ធ្លាប់ទទួលរងពីជំងឺធ្លាក់ទឹកចិត្តផងដែរ  ដូច្នេះ ពួកគេខ្លាចថា ហេតុការណ៍ អាចនឹងធ្វើឲ្យប៉ះពាល់ដល់ផ្លូវអារម្មណ៍របស់លោក ប៉ុន្តែ ក្រោយមក តាមរយៈប្រព័ន្ធផ្សព្វផ្សាយ ក៏មានគេបានបង្ហើបថា ខណៈពេលនេះ លោក Golf Pichaya ដែលត្រូវជាបងប្រុសរបស់ Mike កំពុងតែនៅមើលថែរក្សាប្អូនប្រុសរបស់ខ្លួនយ៉ាងជិតស្និទ្ធ។

យ៉ាងណាមិញ រហូតមកទល់នឹងពេលថ្មីៗនេះ Mike ក៏បានចេញមកបង្ហោះសារមួយនៅលើបណ្ដាញសង្គម ព្រមជាមួយនឹងរូបភាពជាមួយនឹងកូនប្រុសរបស់ខ្លួន ដោយបាននិយាយរៀបរាប់ទាំងឈឺចិត្តថា៖  

តាមរយៈការបង្ហោះនេះ ក៏មានអ្នកគាំទ្រជាច្រើន បានចូលទៅផ្ញើសារលើកទឹកចិត្ត និងផ្ញើក្ដីបារម្ភចំពោះ Mike យ៉ាងខ្លាំង ជាពិសេស ថែមទាំងបានផ្ដាំផ្ញើ អ្នកដែលនៅជុំវិញខ្លួនលោក ឲ្យជួយមើលថែរក្សាយ៉ាងជិតស្និទ្ធទៀតផង៕ 

សូមទស្សនារូបភាពខាងក្រោម៖