វៀតណាម៖ លោក Duong Van Kiem វ័យ៥២ឆ្នាំ ដែលមានតួនាទីជានាយករងសាលាបឋមសិក្សា និងអនុវិទ្យាល័យក្នុងស្រុក An Thang នៃខេត្ត Bắc Kạn ត្រូវបានសមត្ថកិច្ចធ្វើការចាប់ខ្លួន ក្រោយពីរកឃើញថា គាត់បានជក់គ្រឿងញៀន នៅក្នុងបន្ទប់ការិយាល័យ កាលពីថ្ងៃព្រហស្បតិ៍សប្ដាហ៍មុននេះ នាវេលាម៉ោងប្រហែលជា១០:០០យប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍ បានឲ្យដឹងថា លោកនាយករង បានជក់គ្រឿងញៀន ជាមួយនឹងមនុស្សចំនួនបីនាក់ទៀត ដែលមានម្នាក់ជាគ្រូបង្រៀន មានឈ្មោះថា Ly Ngueyen Bao អាយុ៤៧ឆ្នាំ។
ទន្ទឹមនឹងនេះដែរ សមត្ថកិច្ចបានដកហូតអាភៀន៧គ្រាប់ ដបអាភៀន២ ឧបករណ៍សម្រាប់ប្រើប្រាស់គ្រឿងញៀន ដំបងអគ្គិសនី១ ទូរសព្ទដៃ៤គ្រឿង និងប្រាក់ចំនួន៤១៨,០០០ដុង (ប្រមាណ១៨ដុល្លារអាមេរិក)។
យ៉ាងណាមិញ អ្នកទាំងបួនត្រូវបានធ្វើតេស្ដឃើញថា មានសារធាតុញៀនក្នុងខ្លួន ហើយការស៊ើបអង្កេតកំពុងដំណើរការបន្ដ៕