ចូលរួមសោកស្ដាយ តារាសម្ដែង Robert បានទទួលមរណភាពហើយ

ថៃ៖ គឺជារឿងដ៏គួរឲ្យសោកស្ដាយយ៉ាងខ្លាំង នៅក្នុងរង្វង់សិល្បៈរបស់ប្រទេសថៃ ក្រោយពេលដែល តារាសម្ដែង និងជាតារាកំប្លែងដ៏ល្បីឈ្មោះម្នាក់ លោក Robert Saaykhwan បានទទួលមរណភាពហើយ។

ជាដំបូងឡើយ នៅក្នុងនោះ បានឲ្យដឹងថា លោក Robert មានជំងឺមហារីកសួតធ្ងន់ធ្ងរ ដែលធ្វើឲ្យមនុស្សជាច្រើន មានការព្រួយបារម្ភ បន្ទាប់ពីមក លោក Ball ដែលជាតារាសម្ដែងម្នាក់ និងមិត្តៗក្នុងសិល្បៈជាច្រើនទៀត  បានចេញមកប្រកាសថា លោក Robert មិនមានការរកឃើញពីជំងឺមហារីកសួតទេ ប៉ុន្តែបានរកឃើញថា លោកមានជំងឺរបេងជំនួស ហើយដោយសារតែសួត ដែលនៅសល់ម្ខាង ក៏បានធ្វើឲ្យរាងកាយរបស់លោកចុះខ្សោយ ។ 

យ៉ាងណាមិញ ចំពោះរឿងហេតុដ៏ក្រៀមក្រំនេះ បណ្ដាមិត្តៗក្នុងវិស័យសិល្បៈ ក៏ដូចជាហ្វេនៗជាច្រើន ក៏បានចូលរួមរំលែកទុក្ខដ៏សោកសៅមួយនេះ ផងដែរ៕