ស្ងាត់ៗចាយអស់៨៤លានហើយ! Aston ប្រកាសបង្ហាញកីឡាករចំណូលថ្មីទី៤របស់ខ្លួន ដែលទើបទិញមកពី Lyon

អង់គ្លេស៖ ក្លិប Aston Villa បានសម្រេចកិច្ចព្រមព្រៀងផ្ទេរយកខ្សែប្រយុទ្ធ Bertrand Traore ពីក្លិប Lyon ជាផ្លូវការក្នុងតម្លៃ ១៩លានផោន (ឬប្រមាណ ២៤លានដុល្លារ)។

ជើងស៊ុតវ័យ២៥ឆ្នាំ បានចុះកុងត្រារយៈពេល៣ឆ្នាំ នៅទឹកដី Villa Park ហើយរូបគេជាកីឡាករចំណូលថ្មីទី៤ហើយរបស់ Aston នៅទីផ្សាររដូវក្ដៅនេះ។

គួររម្លឹកដែរថា កាលពីពេលថ្មីៗកន្លងទៅ ក្លិបដែលឈរលេខ១៧ នៅ Premier League រដូវកាលមុនមួយនេះ ទើបទិញបានខ្សែប្រយុទ្ធ  Ollie Watkins ពី Brentford ក្នុងតម្លៃ២៨លានផោន បូកប្រាក់បន្ថែមផ្សេងៗទៀតអាចឡើងដល់ ៣៣លានផោន ខ្សែបម្រើ Matty Cash ពី Nottingham Forest ក្នុងតម្លៃ ១៤លានផោន និងអ្នកចាំទី Emiliano Martinez ពីក្លិបកាំភ្លើងធំ Arsenal ក្នុងតម្លៃ២០លានផោន។ ដូច្នេះបើគិតទាំង Traore ទៀត Aston ចំណាយអស់៨៤លានផោនហើយ៕

ប្រភព៖ dailymail