អង់គ្លេស៖ ក្រោយបើកកិច្ចចរចាកាលពីម្សិលមិញរួមមក ក្លិបមាន់ខ្នាយមាស Tottenham Hotspur នឹងធ្វើការប្រកាសជាផ្លូវការនៅពេលដ៏ខ្លីខាងមុខនេះ ពីការត្រឡប់មករួមក្រុមវិញរបស់កីឡាករ Gareth Bale ក្នុងកិច្ចសន្យាខ្ចីជើងពីក្លិប Real Madrid ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងកិច្ចសន្យានោះដែរ Spurs នឹងត្រូវចំណាយឲ្យ Bale ចំនួន១២លានផោន (ឬប្រមាណ១៥លានដុល្លារ) សម្រាប់រដូវកាលដំបូងនេះ។ ហើយប្រសិនបើកីឡាករវ័យ៣២ឆ្នាំរូបនេះបង្ហាញទម្រង់លេងបានល្អ Spurs អាចនឹងបន្តខ្ចីជើងរូបគេរហូតដល់ចុងឆ្នាំ២០២២ ពោលនៅលេងឲ្យលោក Jose Mourinho រហូតដល់ចប់កុងត្រាជាមួយ Real Madrid តែម្តង។
ជាមួយគ្នានេះ Spurs នឹងត្រូវប៉ះជាមួយក្លិប Southampton ក្នុងការប្រកួតទី២នៃក្របខ័ណ្ឌ Premier League រដូវកាលថ្មីនេះ ក្រោយចាញ់ Everton នៅក្នុងការប្រកួតបើកឆាកកាលពីសប្តាហ៍មុននោះ៕
ប្រភព៖ thesun
Bong I.T