មិនធម្មតា! រចនា រ៉ាវាឌី លេចមុខតាមរយៈរឿងភាគថ្មីចំនួន៤ ក្នុងពេលតែមួយ

ភ្នំពេញ៖ ត្រឹមតែរយៈពេលប្រមាណជាបីឆ្នាំប៉ុណ្ណោះ បន្ទាប់ពីការបោះជំហានចូលប្រឡូកក្នុងការងារផ្នែកសម្តែងខ្សែភាពយន្ត ពេលនេះ រចនា រ៉ាវាឌី កំពុងតែក្តោបយកឱកាសការងារសម្តែងជាបន្តបន្ទាប់ស្ទើរតែគ្រប់បណ្តាស្ថានីយទូរទស្សន៍ក្នុងស្រុក។

អ្វីដែលគួរឱ្យភ្ញាក់ផ្អើលសម្រាប់ទស្សនិកជននាពេលថ្មីៗនេះ គឺការលេចមុខរបស់តារាសម្តែង និងម៉ូឌែលវ័យក្មេង រចនា រ៉ាវាឌី ក្នុងខ្សែភាគយន្តភាគខ្មែររហូតដល់ទៅ ៤រឿងផ្ទួនៗគ្នាតាមរយៈស្ថានីយទូរទស្សន៍ហង្សមាស និងបាយ័ន ដែលមានដូចជារឿង «អ្នកឈ្នះ» «សំបុត្រពីឋានសួគ៌» «ប្រពន្ធបងមិនល្អមែនទេ» និងរឿង «ប្រពន្ធ» ។

សមិទ្ធិផលទាំងនេះកើតចេញពីការខំប្រឹងប្រែង បូករួមនឹងទេពកោសល្យ ក៏ដូចជារូបសម្រស់ដ៏ស្រស់ស្អាតរបស់ រចនា រ៉ាវាឌី ទើបធ្វើឱ្យផលិតករជាច្រើននៅតែបន្តជ្រើសរើសកញ្ញាក្នុងការងារផ្នែកសម្តែងមកជាហូរហែមិនចាញ់តារាសម្តែងរៀមច្បងដទៃឡើយ៕

សូមទស្សនារូបភាពខាងក្រោម៖